Milli Telekommunikasiya Şurasının yaranmasına kim mane olur?

19-06-2019 / 16:22

"Bu sualın cavabını yalnız Prezident Administrasiyası bilir. Çünki Strateji Yol Xəritəsinə görə Telekommunikasiya sahəsində aparılacaq islahatlar çərçivəsində görüləcək işlərə cavabdehlik Prezident Administrasiyasına tapşırılıb. Plana görə 2020-ci ildə NRYTN ləğv edilərək yenidən formalaşmalı və müstəqil tənzimləyici qurum – Milli Telekommunikasiya Şurası yaranmalıdır"

Xeberler.az  məlumat verir ki, bu sözləri Azərbaycan İnternet Forumunun prezidenti, İKT sahəsi üzrə ekspert Osman Gündüz bildirib. Ekspert bu istiqamətdə hansı işlərin görülməsindən də danışıb:

"Bəs vəziyyət necədir, hansı işlər görülüb, hansı ölkələrin təcrübəsindən istifadə olunacaq ?

Bu haqda heç bir rəsmi açıqlamalar verilmir. Yalnız bir-iki dəfə qeyri-müəyyən bir açıqlamalar verilib. Təəssüf ki, İqtisadi İslahatların Təhlili və Kommunikasiya Mərkəzi də bu istiqamətdə ciddi iş görmür. Güman ki gücü çatmır və daha çox “baş ağrıtmayan” məsələlərə köklənir. İndiyədək bununla bağlı maraqlı tərəflərin iştirakı ilə hər hansı müzakirə keçirilməyib. Strateji Yol Xəritələrinin icrası ilə bağlı hesabatların hazırlandığı bildirilsə də müzakirələr keçirilməyib. Burada nəsə qapalı bir informasiya mühiti yaradılıb. Hiss olunur ki, kimlərsə bundan çox narahatdır. Əlbəttə, tənzimləyici səlahiyyətlərin müstəqil quruma verilməsi sektorda vəziyyəti kökündən dəyişəcək.

Yeri gəlmişkən, dünyada cəmi bir-iki ölkə var ki telekommunikasiya sektorunda bizdəki fomada idarəetmə qalıb. Yol Xəritəsinə Prezident imza atıb. İcra üçün də vaxt az qalıb. Problem isə heç də asan deyil. Ciddi məsələlər həllini tapmalıdır. Kommersiya, təsərrüfat və tənzimləmə funksiyalarını əlində cəmləyən NRYTN isə ciddi səhvlərə yol verir, var qüvvəsi ilə kommersiya xəttini gücləndirib, strategiya doğru qurulmur, bəsit və mənasız –imitasiya xaraketrli tədbirlərə üstünlük verilir, sektorda dövlətin xüsusi çəkisi hədsiz güclənib, rəqabətlə bağlı mühit nəinki inkişf etdirilmir, bu sektorda rəqabətli mühit hətta pisliyə doğru dəyişib. Özəl Provayderlər həyəcan təbili çalırlar. Hətta biznes sektoru qiymət endirimi ilə bağlı, liberallaşma ilə bağlı rəsmi açıqlamalar verir, amma NRYTN bu addımların reallaşmasına köməklik göstərmir.

Ümid edirəm Strateji Yol Xəritəsinin icra planı Prezident Administrasiyasının müvafiq şöbəsində əyləşənlərin də qarşısında var. Baş verənlərdən də bildiyim qədər xəbərdardırlar. Provayderlərin müraciətləri haqqında da ümid edirəm ki, məlumatları var. Düşünürəm ki, PA bu sektorda inkişaf üçün, rəqabətli və liberal mühitin formalaşması üçün çox kəskin addımlar atmalıdır"

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.