Ekspert: Xarici distant diplomun tanınmaması üçün heç bir hüquqi əsas yoxdur

18-01-2021 / 19:18
Təhsil Nazirliyinin indiki halda distant diplomlarla bağlı ikili standartlar tətbiq etməsi yolverilməzdir.
 
Xeberler.az bildirir ki, bu sözləri Azərbaycan İnternet Formunun Prezidenti, ekspert Osman Gündüz deyib:
 
"Təhsil Nazirliyi açıqlama verib ki, xarici ölkələrin üniversitetlərinə distant formada qəbul olanların aldığı diplom və ixtisaslar yenə də ölkəmizdə tanınmayacaq.
 
Düşünürəm ki, bu cür yanaşma indiki halda ölkəmizə və Təhsil Nazirliyinə hörmət gətirmir. Bu, açıq-aşkar ikili yanaşmadır və beynəlxalq təhsil platformalarında ölkəmiz üçün də başucalığı gətirməyəcək.
 
Özümüzdə distant formada tədris prosesi davam etdirildiyi bir vəziyyətdə dünyada, məsələn top 100-də olan Universitetin distant diplomunu tanımamaq sadəcə ağlasığmazdır və heç bir izahı yoxdur".
 
Ekspert qeyd edib ki, xaricdə təhsil alan şəxslər təhsillərini başa vurduqdan sonra ölkəmizdə onların diplomu birbaşa tanınmır. Onların diplomları tanınmaq üçün müəyyən proseduralardan keçirilir.
 
Fikrimcə, yalnız "distant forma" olduğu əsas gətirilərək onların qanuni olaraq əldə etdiyi diplomların bu prosedulardan kənarlaşdırılması ikili yanaşmadır, qanunvericiliyə ziddir və hüquqi müstəvidə də Təhsil Nazirliyini çıxılmaz vəziyyətə sala bilər. Ona görə qanuna ziddir ki, bu tip təhsil forması Təhsil qanununda nəzərdə tutulub, bu forma ölkədə tətbiq edilir və yekunda dövlətin tanıdığı diplom verilir.
 
Odur ki, məhz "distant forma" səbəbindən xarici distant diplomun tanınmasından imtina üçün indiki halda heç bir hüquqi əsas yoxdur".

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə