Universitetlərdə tədrisin təşkili üçün hansı hüquqi və texniki problemlər var?

31-08-2020 / 15:28
Xeberler.az bildirir ki, Nazirlər Kabineti bir neçə gün öncə ali təhsilin distant formada davam etdirilməsi ilə bağlı qərar verib.
 
Bununla bağlı Azərbaycan İnternet Formunun Prezidenti, ekspert Osman Gündü açıqlama verib:
 
"Bu qərarda sadəcə dərslərin distant formada təşkili öz əksini tapıb. Ölkə qanunvericiliyində isə indiyədək bu təhsil formasının hüquqi əsasları yaradılmayıb.
 
Belə olan halda isə aşağldakı suallar cavabsız qalıb və hazırda ali təhsil müəssisələrinin rəhbərləri baş sındırırlar ki, tədris prosesini necə quracaqlar :
 
1. Bakalavriat təhsilinin məzmunu və təşkili Qaydalarına görə distant təhsil Nazirlər Kabinetinin müfafiq Əsasnaməsi ilə təşkil olunmalıdır. Nazirlər Kabinetinin belə bir Əsasnaməsi hələlik yoxdur.
 
2. Əyani formanı seçən tələbələr və şagirdlər evdən deyil, təhsil müəssisəsindən təhsil almaları ilə bağlı müqavilə bağlayıblar. Lakin indi təklif olunur ki, tərdris prosesi evdən təşkil olunacaq. Bunun hüquqi əsasları yaradılmayıb. 
 
3. Distant üçün zəruri olan kompüter və internet bağlantısının təşkilinə görə tələbə və şagirdlərin hər hansı öhdəliyi yoxdur. Universitetlər bunu necə təşkil edəcək ? Belə olan halda nəzarət, qiymətləndirmə necə qurulacaq ? Bununla bağlı da rəsmi açıqlama yoxdur.
 
4. İnternet infraskturunun keyfiyyətsiz olduğu və ümumiyyətlə olmadığı ərazilərdə distant təhsil sadəcə mümkün deyil. Buna kim cavabdehdir və alternativ nə təklif olunur ? Bu sualın cavabı da hələlik yoxdur.
 
5. Distant təhsilin elmi-metodiki təminatı hazırlanmayıb. Yəni, təhsil pillələri üçün distant təhsilin elmi əsasları, distant təhsilin keyfiyyət göstəriciləri, distant təhsilin tədris proqramlarına və standartlarına verilən tələblər, distant təhsilin didaktik və metodiki təminatı və s. hələlik yoxur. Belə olan halda təhsil müəssisələri distant tədris prosesini necə quracaqlar?
 
6. Qrupların bölünməsindən yaranan maliyyə məsələsi, 15 oktyabrda başlanan təhsilin nə zaman başa çatması ilə bağlı və s. suallar da hələlik açıq qalıb".
 
 
 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.