Ekspert: Hökumət distant təhsilin təşkilini Təhsil Nazirliyinin üzərinə atıb

01-04-2021 / 19:26
"Hökumət distant formada təhsilin təşkilini Təhsil Nazirliyinin üzərinə atıb, Təhsil Nazirliyi isə bu problemin həllini müəllimlərin və valideynlərin üzərinə atıb"
 
Xeberler.az bildirir ki, bu sözləri Azərbaycan İnternet Formunun Prezidenti Osman Gündüz deyib.
 
Təhsil Nazirliyi ötən gün təşkil etdiyi ictimai rəy sorğusunun nəticələrini açıqlayıb. Gözlənildiyi kimi Nazirlik çoxluğun distanta üstünlük verdiyini açıqlayıb.
Bunu nəzərə alan Nazirlik pandemiya müddətində əsasən distant təhsil formasına üstünlük verəcək.
 
Ekspertin sözlərinə görə, hələlik Nazirlik distantla bağlı, daha doğrusu distant təhsilin keyfiyyəti ilə bağlı zəruri olan bir çox məsələlərə aydınlıq gətirməyib.
Uzun müddət ölkədə distanta hazırlıq aparılmayıb. Texniki-texnoloji və hüquqi əsaslar yaradılmayıb:
 
"Baxmayaraq ki, Nazirliyin əlində bununla bağlı ictimai əhəmiyyət kəsb edən informasiyalar var, təəssüf ki, onlar indiyədək açıqlanmayıb:
 
1. Neçə müəlimin kompüteri yoxdur
2. Neçə şagirdin kömpüteri yoxdur
3. Neçə müəllim və ya şagirdin internet ödəniş imkanı yoxdur
4. Neçə şagird və müəllimin keyfiyyətli internetə əlçatanlığı yoxdur
5. Neçə müəllim və şagirdin distant üçün evdə normal şəraiti yoxdur və mənimsəmə zəifdir
6. Distant üçün zəruri olan rəqəmsal tədris resursları, metodiki təminat yetərlidirmi?
7. Neçə müəllim və şagirdin rəqəmsal bacarıqları yetərli deyil və s.
 
Bu sualların hamısının cavabı Təhsil Nazirliyində var. Fikrimcə, Nazirlik bilir ki, keyfiyyətli distantın təşkili üçün ölkə üzrə şərait qənaətbəxş deyil.
 
Güman etmək olar ki, bununla bağlı Təhsil Nazirliyi hökumətə də texniki-texnoloji dəstək üçün müraciət edib. Lakin məlum olduğu kimi indiyədək hökumət tərəfindən Təhsil Nazirliyinə bu istiqamətdə dəstək verilməyib.
 
Belə olan halda isə, nə qədər qəribə görünsə də Nazirlik problemin həllini müəllimlərin, şagirdlərin və valideynlərin üzərinə atmaq məcburiyyətində qalıb.
Görəsən bununla da biz Dördüncü sənaye inqilabının çağırışlarına cavab verən, rəqabətə davamlı ölkə üçün zəruri tələblərə cavab verən kadrlar hazırlaya biləcəyikmi"?

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.