Ekspert: Təhsil nazirliyi distant təhsilin tətbiqindən ehtiyat edir?

04-10-2019 / 13:19

Uzun müddətdir ölkədə distant təhsilə başlanılması ilə bağlı müzakirələr aparılır. Bundan bir müddət öncə Təhsil Nazirliyi tərəfindən bu istiqamətdə bəzi addımlar atılıb. Beynəlxalq təcrübənin öyrənilməsi və yerli qanunvericilik də nəzərə alınmaqla hüquqi bazanın hazırlanması üçün konkret addımlar atılıb.

Bir neçə gün öncə isə UNEC özünün distant təhsil formasına hazır olduğunu əyani olaraq nümayiş etdirib. Heydər Əliyev Fondunun vitse-prezidenti Leyla Əliyeva da UNEC-də olub və distant formada təşkil olunacaq Çin dili kursları ilə tanış olub.

Xeberler.az bildirir ki, məsələyə Azərbaycan İnternet Formunun Prezidenti, ekspert Osman Gündüz münasibət bildirib:

"Nədənsə ötən müddət ərzində Təhsil Nazirliyi distant təhsilin tətbiqinə ciddi diqqət yetirməyib. Gizli deyil ki, bu formada təhsil xidmətlərinin təşkilində biznes daha çoxdur. Bəzi Xarici universitetlər bu təhsil formasından milyardlar qazanır. Bunu Amerikada, Oklahoma Universitetində olduğum zaman, Distant Təhsil Mərkəzinin işi ilə tanış olanda da müşahidə etmişdim.

Elə Azərbaycanda da bizim tələbələrimiz hesabına bu təhsil forması ilə milyonlar qazanan xarici universitetlər olub.

Təhsil Nazirliyi hansı risklərdən ehtiyat edir və ya kimlər bu təhsil formasında maraqlı deyil ?

Beləliklə, qanunvericilikdə bu təhsil forması nəzərdə tutulub, güman ki təkmilləşdirilməsinə ehtiyac olacaq hüquqi baza da var və ali təhsil qurumlarının da bəziləri artıq buna hazırdı. Belə olan halda nə üçün Təhsil Nazirliyi buna start vermir, anlaşılmır".

Ekspert Distant Təhsillə bağlı bir sıra təkliflər də irəli sürüb:

"Düşünürəm ki, Təhsil Nazirliyi ləngimədən distant təhsil formasına ilk öncə xarici tələbələr üçün, həmçinin də, təkrar ali təhsil, yenidənhazırlıq və əlillərin təhsili üşün start verməlidir.

Bu məqsədlə Təhsil Nazirliyində Komissiya yaradılmalıdır. Komissiya təhsil müəssiəslərinin buna hazırlığını kompleks yoxlayıb distant təhsil formasına başlamaq üçün lisenziya verməlidir. Əgər Təhsil Nazirliyi bunu etmək istəmirsə onda Universitetlərə bununla bağlı müstəqillik verilməlidir.

Distant təhsil üçün Universitetlərdə Distant Təhsil mərkəzi, sertifikatlaşmış kadrlar və yetrəli elektron tədris vəsaitləri olmalıdır. Əgər imtahan məsafədən təşkil olunacaqsa tələbələrin identifikasiya mexanizmləri hazırlanmalıdır.
Tədris prosesi, idarəetməsi rəqəmsallaşmayan universitetlərə distant təhsilə icazə verilə bilməz".

Ekspertin sözlərinə görə, hazırda həm MDB məkanında, həm də xaricdə xeyli sayda tələbələr var ki, distant formada təhsil almaq istəyirlər. Onlar bunun üçün pul da ödəməyə hazırdırlar. Bu mexanizmlər işə düşsə ölkəmizdə də xeyli sayda gənclərimiz ali təhsilə yiyələnə biləcəklər.

Osman Gündüz bildirib ki, son zamanlar əksər Universitetlərdə rüşvət və korrupsiya yığışdırılıb. Universitetlər təhsilin inkişafı üçün əlavə vəsaitlər tapmalıdırlar. Təhsil haqqını qaldırmaq da əlavə problemlər yaradır.

"Son olaraq, Distant təhsil froması isə universitetlər üçün həm də əlavə imkanlar deməkdir. Ümumiyyətlə, ölkəmizdə bu təhsil formasının tətbiqinin təhsil sahəsinin rəqəmsallaşmasına, ölkədə rəqəmsal transformasiyanın güclənməsinə, informasiya cəmiyyətinin fromalaşmasına ciddi təkan verəcəyinə əminəm.
Düşünürəm ki, Təhsil Nazirliyi tez bir zamanda bu məsələyə diqqət yetirməlidir"- deyə Osman Gündüz bildirib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.