İnternet bağlantısı olmayan ərazilərdə distant təhsil necə təşkil olunacaq?

29-08-2020 / 16:32
Yeni tədris ilində Nazirlər Kabineti tərəfindən təhsil müəssisələrində HİBRİD təhsil formasına (əyani +distant) keçidlə bağlı rəsmi qərar verilib.
 
Bəs tədris və təlim-tərbiyə prosesi Hibrid təhsil formasında necə qurulacaq ?
 
Hibrid təhsil forması üçün hüquqi baza varmı ?
 
Xeberler.az bildirir ki, məsələyə bağlı Azərbaycan İnternet Formunun Prezidenti, ekspert Osman Gündüz münasibət bildirib:
 
"Mövcud təhsil qanunvericiliyində indiyədək belə bir təhsil forması nəzərdə tutulmadığından klassik tədris prosesi ilə bağlı Qaydalar burada keçərli olmaya bilər. Həmçinin Distant təhsil formasının təşkili ilə bağlı hüquqi-normativ baza da indiyədək formalaşdırılmayıb.
 
Buna görə də bu gün dərc olunan Nazirlər Kabinetinin qərarında bu məqsədlə Təhsil Nazirliyinə 10 gün vaxt verilib ki, əlaqədar qurumlarla birgə Hibrid təhsil formasında tədrisin təşkili üçün Müvəqqəti Qaydaları hazırlayıb hökumətə təqdim etməlidir. Vaxt isə çox az qalıb.
 
Ümid edirəm Təhsil Nazirliyi tez bir zamanda belə bir Qaydaları hazırlayıb təqdim edə biləcək".
 
Ekspert qeyd edib ki, Hökumətin qərarında bir sıra məqamlara aydınlıq gətirilməyib:
 
1. Təhsil Nazirliyi şagirdlərin, tələbələrin və müəllimlərin distant fromada tədrisin təşkili üçün zəruri olan kompüter və internet təminatını necə həyata keçirəcək?
 
2. İnternet bağlantısı olmayan ərazilərdə distant hansı formada təşkil olunacaq?
 
3. Məktəblərdə və Universitetlərdə istifadəsiz qalan kompüterlər və digər avadanlıqlar müvəqqəti olaraq distant təhsil prosesi iştirakçılarına veriləcəkmi?
 
4. Hökumət həssas qrupa daxil olan ailələr üçün kompüter, planşet və internet təminatını üzərinə götürə bilirmi?
 
Əgər hökumət rəsmi olaraq Hibrid təhsil formasına keçidlə bağlı qərar verirsə, onda ən azı həssas qrupa daxil olan ailələr üçün, müəllimlər üçün distant tədris prosesinin texniki-texnoloji təminatını hökumət öz üzərinə götürməlidir.

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.