Ekspert: Xarici universiteti distant formada bitirənlərin diplomunun tanınması nə üçün müşkülə çevrilib?

02-01-2021 / 14:15
"Xarici ölkələrdə Distant formada oxuyub diplom alanların bu diplomların ölkəmizdə tanınmaması ilə bağlı hökuməti və ya Təhsil Nazirliyini məhkəməyə verməsi üçün ciddi əsaslar yaranıb".
 
Xeberler.az bildirir ki, bu sözləri Azərbaycan İnternet Formunun Prezidenti Osman Gündüz deyib: 
 
"Artıq bir ildir ki, ölkəmizdə ali təhsil distant forma verilir. Güman ki, bu, bir müddət də davam edəcək. İmtahanlar da distant formada təşkil olunur. Beləliklə, təhsil alma forması distantdlr və qiymətləndirmə də distantdır.
 
Yekunda isə bütün tələbələrə dövlət sənədi olan diplom təqdim olunacaq. Qəribədir ki, Təhsil Nazirliyi məhz təhsil formasının distant formada olmasını əsas gətirərək xaricdə distant formada təhsil alanların sənədlərini ümumiyyətlə yaxın buraxmır.
 
Məlum Qaydalarda imtina ilə bağlı belə bir bənd var:
 
"xarici ölkələrdə verilən təhsil istiqamətlər (ixtisaslar) üzrə qiyabi və əyani-qiyabi olduqda, lakin Azərbaycan Respublikasında həmin istiqamət (ixtisas) üzrə belə təhsil formasına yol verilmədikdə".
 
Artıq məlum olduğu kimi, ölkəmizdə bütün ixtisaslar üzrə distant forma tətbiq olunur. Yəni, xarici distant diplomun tanınmasından imtina üçün əsaslar aradan qalxıb. Amma Təhsil Nazirliyi bu bəndə əsaslanaraq xarici distant diplomları müzakirə predmetinə çevirmir. Bu tip təhsilalanlar, distant səbəbindən birmənalı olaraq rədd edilir. Beləliklə ziddiyətli vəziyyət yaranır.
 
Ölkədə distant formada alınan diplom dövlət tərəfindən tanınır amma, məsələn Harvard Universitetini distant formada bitirən şəxsin diplomu tanınmır".
 
Bu nə dərəcədə doğru bir yanaşmadır?
 
Ekspert qeyd edib ki, Xarici ölkənin səlahiyyətli qurumu tərəfindən təsdiqlənən təhsil sənədinin tanınmaması, indiki halda, ikili standartdan başqa bir şey deyil.
 
"Ölkəmizin təhsil sistemində yeni yaranmış situasiya hüquqi müstəvidə Təhsil Nazirliyini çıxılmaz vəziyyətə salan bir fakta çevrilib. Fikrimcə, hökumət, Təhsil Nazirliyi bununla əlaqəli qanunvericiliyin təkmilləşdirilməsinə başlamalıdır.
 
"Xarici dövlətlərin ali təhsil sahəsində ixtisaslarının tanınması və ekvivalentliyinin müəyyən edilməsi (nostrifikasiyası) Qaydaları" yenidən işlənməlidir. Diplomların tanınmasına, təhsil formasından və təhsil aldığı ölkədən asılı olmayaraq ümumi, vahid qaydalar əsasında yanaşmaq doğru olardı".
 

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.