RƏQƏMSAL DÜNYA

Toplantıda sədr Rövşən Məmmdov 2021-ci ilin sentyabrından 2022-ci ilin iyun ayına qədər olan dövrdə görülmüş işlərlə bağlı hesabatı təqdim edib.

Xeberler.az bildirir ki, bu barədə Azərbaycan İnternet Forumunun Prezidenti, ekspert Osman Gündüz feysbuk səhifəsində post paylaşıb.

“Növbəti mərhələdə bir sıra yeni verilişlərin hazırlanacağı bildirilib.

Toplantıda görülmüş işlər və qarşıdakı yeni mövsüm üçün planlar, gözləntilər ətrafında müzakirələr aparılıb.

Bədii Şurada AzTV -dəki müsbət tendensiyaların daha da inkişaf etdirilməsi və mövcud çatışmazlıqların aradan qaldırılması, auditoriyanın genişləndirilməsi, ekspert bazasının yenilənməsi , dövlət qurumlarının əsas təmsilçilərinin verilişlərə dəvət edilməsi və s. istiqamətində müzakirələr olub və təkliflər verilib.

Şura üzvləri yeni verilişlərlə bağlı da təkliflərini də təqdim ediblər.

Müzakirələrdə həmçinin efirin modernləşməsi və rəqəmsal transformasiyası, AzTV -nin texniki-texnoloji inkişafı sahəsində görülən işlər təqdir edilib və görüləcək işlərə diqqət yönəlib.

Toplantıda Rövşən Məmmədov Prezident tərəfindən AzTV-nin elektron arxivinin yaradılması üçün 1 milyon manat ayırıldığını bildirilib.

Bu istiqamətdə artıq işlərə başlandığı, mövcud arxivin rəqəmsala transformasiyası üçün avadanlıqlar sifariş edildiyi, bu sahədə Türkiyə ilə səmərəli əmədaşlığın qurulduğu , elektron arxiv yeri üçün tenderin keçirilməsinə hazırlıq görüldüyü diqqətə çatdırılıb.

Düşünürəm ki, uzun illər ərzində AzTV-də və Azərbaycan Radiosunda toplanmış audiovizual materialların rəqəmsallaşdırılması olduqca faydalı bir addımdır.”