Əmanətlərin Sığortalanması Fondu (ADIF) tərəfindən yaradılmış Elektron Auksion Portalı (auction.adif.az) vasitəsilə ləğv prosesində olan bankların balansında mövcud daşınar əmlakların satışı davam etdirilir. Portal açıq, şəffaf və rəqabətli satış mexanizmi təqdim etməklə həm fiziki, həm də hüquqi şəxslər üçün əlçatan alış mühiti yaradır.
Xeberler.az bildirir ki, Fonddan verilən məlumata görə, satışa çıxarılan məhsullar əsasən bank avadanlıqları, ofis mebelləri, məişət texnikası və informasiya texnologiyaları sahəsinə aid avadanlıqlardan ibarətdir. Məhsullar həm ayrı-ayrı vahidlər üzrə, həm də lot şəklində təqdim olunur.
Platformada qeydiyyatdan keçmiş istifadəçilər auksionlarda iştirak etməklə yanaşı, müəyyən edilmiş qaydalara uyğun olaraq məhsulları birbaşa satın ala bilirlər. Elektron auksionun şərtləri və prosedurları portalda aydın və əlçatan formada yerləşdirilib.
Elektron Auksion Portalı alıcılara günün 24 saatı, həftənin 7 günü istənilən məkandan, evdən və ya ofisdən auksionlarda iştirak imkanı yaradır. Bu, satış prosesinin daha çevik və operativ həyata keçirilməsini təmin edir.
Portal şəffaflıq, etibarlılıq və bərabər rəqabət prinsiplərinə əsaslanır və real bazar dəyərinə uyğun qiymət formalaşmasına şərait yaradır.
Əmanətlərin Sığortalanması Fondu maraqlı şəxsləri Elektron Auksion Portalına daxil olaraq aktiv satış elanları ilə tanış olmağa dəvət edir.
Ətraflı məlumat üçün əlaqə nömrəsi: (+994) 941
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları