Enerji şəbəkəsinə qoşulmaq üçün ödəniləcək məbləğ açıqlanıb

27-07-2018 / 12:12

Məişət abonentlərinin tələb olunan gücü 20 kVt-a qədər olan mövcud və ya inşa ediləcək tikinti obyektlərinin enerji təchizatı şəbəkəsinə 24 gün müddətində qoşulmasına görə qoşulma haqqının məbləği müəyyənləşib.

Xeberler.az məlumat verir ki, bu, Nazirlər Kabinetinin Məişət abonentlərinin mövcud və ya inşa ediləcək tikinti obyektlərinin enerji təchizatı şəbəkəsinə qoşulmasına görə qoşulma haqqının məbləği-nin təsdiq edilməsi barədə qərarında əksini tapıb.

Belə ki, məişət abonentləri gücü 5 kVt-a qədər olan mövcud və ya inşa ediləcək tikinti  obyektlərinin 1 fazlı enerji təchizatı şəbəkəsinə 24 gün müddətində qoşulmaq üçün 160 manat  qoşulma haqı ödəyəcək. Bu məbləğ gücü 5 kVt-dan 10 kVt-dək olan enerji təchizatı şəbəkələri üçün 160 manat və əlavə olaraq 5 kVt-dan yuxarı hər bir kVt güc üçün 40 manat,  gücü 10 kVt-dan 15 kVt-dək olan enerji təchizatı şəbəkələri üçün 360 manat və əlavə olaraq 10 kVt-dan yuxarı hər bir kVt güc üçün 60,6 manat, gücü 15 kVt-dan 20 kVt-dək olan enerji təchizatı şəbəkələri üçün 663 manat və əlavə olaraq 15 kVt-dan yuxarı  hər bir kVt güc üçün 94,8  manat olacaq.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.