Galaxy Note 7 smartfonu yenidən satışa çıxarılır

28-03-2017 / 12:55

Samsung şirkəti rəsmən elan edib ki, Galaxy Note 7 smartfonunun təmir olunmuş versiyasının satışına başlamağı planlaşdırır.

Bundan əvvəl sözügedən smartfonda batareyaların partlamasına görə onun istehsalı dayandırılmışdı.

Xeberler.az NRYTN-in elektron xəbər xidmətinə istinadən məlumat verir ki, bu haqda Reuters agentliyi məlumat yayıb.

Cənubi Koreya şirkəti tənzimləyici orqanlar və nəqliyyat agentlikləri ilə danışıqlardan sonra təmir olunmuş Galaxy Note 7 smartfonlarının satış bazarını müəyyənləşdirəcək. Şirkət çip və modulyar kameralar kimi dəyişdirilə bilən elementləri satmağı, həmçinin köhnə Galaxy Note 7-dən çıxarılmış xammaldan təkrar istifadəni planlaşdırır.

Bundan əvvəl ZDNet portalı Cənubi Koreyanın Hankyung nəşrinə istinadən yazmışdı ki, Samsung şirkəti təmir olunmuş smartfonunu  yalnız inkişaf etməkdə olan ölkələrin (məsələn, Hindistan və Vyetnam) bazarında satmağı planlaşdırır.

Məlumat üçün bildirək ki, Galaxy Note 7 smartfonunun satışına 2016-cı ilin avqustunda start verilib, amma tezliklə batareyaların partlaması səbəbindən satış dayandırılıb.

Nəticədə Samsung şirkəti sözügedən qurğunun istehsalını tamamilə dayandırmaq məcburiyyətində qalıb.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.