Cənubi Koreyanın Samsung Electronics şirkəti son bir həftədə bazar dəyərini 3,9% və yaxud 22 mlrd. dollar itirib.
Rusiya mətbuatı məlumat verir ki, şirkətin bazar dəyəri ötən həftənin cümə günü 8 mlrd. dollar, bu həftənin bazar ertəsi günü isə 14 mlrd. dollar azalıb.
Azalmaya səbəb Samsung Electronics-in istehsal etdiyi Galaxy Note 7 smartfonlarının geri çağırılmasıdır. Şirkətin bu ilin avqust ayında satışa çıxardığı smartfonların akkumulyatorlarında nöqsanlar aşkar edildiyi üçün sentyabrın 2-dən həmin malların geri çağırılması barədə qərar qəbul edilib. Bu isə Samsung Electronics-in səhmlərinin qiymətinə təsirsiz ötüşməyib.
Xatırladaq ki, ötən həftənin sonu ABŞ-ın Federal Aviasiya İdarəsi sərnişinlərə xəbərdarlıq edərək Galaxy Note 7 smartfonlarından təyyarədə istifadə etməmək, bunun təhlükəli olması barədə xəbərdarlıq edib. Avstraliya aviaşirkətləri - Qantas Airways, Jetstar, Virgin Australia, Tiger Airways də bu smartfonların uçuş zamanı istifadəsinə qadağa qoyub.
Son nəticədə Samsung Electronics 2,5 mln. ədəd Galaxy Note 7-ni geri çağırmalı olub. Şirkət müştərilərini əvəzedici smartfonlarla sentyabrın 19-na qədər təmin etməyi planlaşdırır. (Report)
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri