Cənubi Koreyanın “Samsung” korporasiyası 2025-ci ildə qatlanan smartfon istehsalını azaltmağı planlaşdırır.
Xeberler.az məlumat verir ki, bu barədə Koreyanın “EtNews” nəşri məlumat yayıb.
Bildirilir ki, qatlana bilən qurğulara tələbatın azalması səbəbindən şirkət 2025-ci ildə “Z Fold” və “Z Flip” smartfonlarının istehsalını xeyli ixtisar edəcək. Gələn il 2 milyon “Z Fold 7” və 3 milyon “Z Flip 7” smartfon-planşeti buraxılacaq, yəni il ərzində bazara cəmi 5 milyon qatlanan flaqman qurğusu çıxarılacaq. Beləliklə, 2024-cü illə müqayisədə istehsal həcmi 3 milyon ədəd azaldılacaq.
Buna baxmayaraq, “Samsung” adi smartfon istehsalını artırmaq niyyətindədir. Belə ki, korporasiya “Galaxy S25” seriyasının flaqman telefonlarının istehsalını yeddi faiz artıraraq 37,4 milyon ədədə çatdırmaq niyyətindədir. Müqayisə üçün qeyd edək ki, “Samsung” 2024-cü ildə bazara 35 milyon ədəd “Galaxy S24” cihazı çıxarıb.
Cənubi Koreyanın korporasiyası 2025-ci il yanvarın 22-də “Samsung Galaxy S25” smartfonları seriyasının təqdimatını keçirəcək. Həmin seriyaya “Galaxy S25”, “Galaxy S25+” və “Galaxy S25 Ultra” modelləri daxil olacaq.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları