AZNET

Məlum olduğu kimi, Facebook-un Whatsapp tətbiqni satın alması ilə Google bu xidmətdən gəlir götürməyi əlindən qaçırdı. Lakin şirkət hələ də mesajlaşma proqramlarına yatırım etməkdə iddialıdır.

Şikət Wall Street-in böyük investorlarının da dəstəklədiyi  mesajlaşma proqramı Symphony layihəsinə  investisiya ayırıb.

Xeberler.az bildirir ki, bu barədə Wall Street Journal ( WSJ) məlumat yayıb.

Məlumatda qeyd edilir ki,  Google Symphony (Communication Services) üçün 650 milyon dəyərində yatırım edib.

Qeyd edək ki, bundan öncə Symphony Goldman Sachs, Morgan Stanley, JP Morgan və BlackRock kimi  Wall Street nəhənglərindən investisiya əldə edib.

Xatırladaq ki, Symphony ötən il Bloomberg-in gəlirləri ilə müqayisədə daha çox qazanc əldə etmək üçün yaradılıb.

Ötən il  66 milyon dollarlıq  təhlükəsiz xəbərləşmə proqramı Perzo-nu da  satın alması  isə Symphony-nin əl-qolu daha da açıldı.

İddialara görə, bu ilin iyul ayında  tətbiqin gəliri 1 milyarda çatıb.

Startapın yaradıcısı David Gurle isə Microsoft Lync, Skype ve Thomson Reuters kimi şirkətlərdə təcrübə keçməsi və layihəsində bu təcrübələri tətbiq etməsi ilə gündəmdədir.

Google-un layihəyə yatırımı barədə  isə hələlik heç bir tərəfdən rəsmi açıqlama gəlməyib. Bəzi xarici mənbələrin məlumatında müqavilənin bu həftə imzalanacağı qeyd edilir.

Məltəm Talıbzadə