AZNET

“Bloomberg”-dən verilən xüsusi xəbərə görə, Google öz taksi proqramını inkişaf etdirir. Tətbiqin Google işçiləri tərəfindən hazırda istifadə olunduğu bildirilir və Google-un sürücüsüz nəqliyyat vasitələriylə birlikdə həyata keçirilməsi planlaşdırılır.

Google bu günə qədər Uber-in ən böyük dəstəkçilərindən biri olub. Google Ventures-in tarixindəki ən böyük investisiyası 2013-cü ilin avqustunda Uber-ə etdiyi 258 milyon dollarlıq sərmayə idi. Sürücüsüz nəqliyyat vasitələri inkişaf etdirən Google bir gün Uber-i satın aldığını bildirsə, güman ki, çox az adam üçün bu sürpriz bir inkişaf olardı.

Google-un Uber-ə rəqib ola biləcək bir taksi çağırma proqramını inkişaf etdirməsi isə təxmin edə biləcəyiniz kimi ən başda Uber-i narahat edir. Verilən məlumata görə, test edilən proqramın ekran görünüşləri ilə tanış olan Uber-in idarə heyəti üzvləri Google-un rəhbərlərindən biri olan David Drummondın istefa etməsini istəməyi düşünür.

Sürücüsüz nəqliyyat vasitələri Uber-in qurulduğu ilk gündən bu yana yol xəritəsində olsa da, bu sahədə özbaşına işə başlayacağı ehtimallar arasında görülmürdü. Çünki taksi çağırma tətbiqi və sürücüsüz vasitələr bir-birini tamamlayacaq şəkildə Google və Uber-i gələcəkdə bir araya gətirəcəyini düşündüyümüz iki məhsuldur. Hər iki şirkətin bu kritik sahələrdə öz başlarına hərəkət etməyi seçməsi uzun bir rəqabətin ilk xəbərçisi olaraq tarixə qarışmış ola bilər.