Çin Aerokosmik Akademiyasının mühəndisləri 2017-ci ildə günəş batareyası ilə işləyən, yerətrafı kosmik sahədə hərəkət etmək imkanına malik ilk pilotsuz təyyarəni istifadəyə verməyi planlaşdırırlar.
Xeberler.az xarici mediaya istinadən məlumat verir ki, hazırda təyyarənin yer şəraitində sınaq uçuşları müvəffəqiyyətlə başa çatıb və aparatın yerətrafı orbitdə işə salınmasına hazırlıq işləri görülür.
Qurğunun dəqiq texniki göstəriciləri haqqında məlumat olmasa da, pilotsuz təyyarənin açılmış qanadları Boeing 737 avialaynerinin qanadlarının ölçüsünü üstələyir. Yerdə aparılan sınaqlar zamanı təyyarənin uçuş sürəti saatda 150-200 kilometrə çatıb.
Bu təyyarə ölçülərinə görə, dünyada NASA-nın günəş enerjisi ilə işləyən analoji aparatından sonra ikinci yerdə dayanır. Dron çox böyük hündürlükdə enerji yükləməsi tələb etmədən kifayət qədər uzunmüddətli uçuşlar etmək imkanına malikdir.
Mühəndislərin bildirdiyinə görə, kosmik pilotsuz təyyarə, əsasən uzaq radarın aşkar olunması, hava kəşfiyyatı, təbii fəlakətlərin monitorinqi, meteoroloji müşahidələr, həmçinin telekommunikasiya və rabitənin retranslyasiyası sahələrində istifadə olunacaq.
Qeyd edək ki, aparatın maketi ilk dəfə Airshow China aerokosmik sərgisi çərçivəsində 2016-cı ildə ictimaiyyətə təqdim edilib.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri