Günəş enerjisiylə dünyanı gəzən təyyarə tarixi uçuşunu tamamladı

27-07-2016 / 10:41

Dünyanı yalnız günəş enerjisindən istifadə edərək gəzən ilk təyyarə Solar Impulse 2 turunu dünən tamamlayıb.

Xeberler.az Bloomberg-ə istinadən məlumat verir ki, ötən ilin mart ayında  Abu Dhabi şəhərindən qalxan Solar Impulse 2  bir ildən çox davam edən səfərini dünən Abu Dhabi-yə  enərək tamamlayıb.

Günəş enerjisiylə işləyən ilk təyyarəsini bundan altı il əvvəl təqdim edən isveçrəli Solar Impulse  ikinci sınağı Solar Impulse 2 ilə 40 min km-lik səfərində yanacaqdan istifadə etməyib.

Solar Impulse 2-nin  qanad genişliyi 72 metrdir və təyyarənin üzərində 17 mindən çox günəş paneli olduğu deyilir.

Təyyarədə dörd ədəd litium polimer batareya var  və gecə lazım olan enerjini təmin edir.

2.3 ton ağırlığıyla ənənəvi təyyarələrə  görə olduqca yüngül olan təyyarə, dünya turu ərzində havada ortalama 75 km / saat uçub.

Yerdə maksimum 216 km / saaat sürətə qalxa bilən təyyarənin çatdığı ən yüksək nöqtə yer kürəsidən 8 min 500 metr  yüksək olub.

Dünya turunda Hindistandan Yaponiyaya, San-Fransiskodan  İtalyaya  ümumi 16 dayanacaqda dayanan təyyarənin ən uzun fasiləsiz uçuşu təxminən 118 saat davam edib.

Tarixə keçən uçuşun bir ildən uzun sürməsinin səbəbi isə texniki problemlər ilə bağlı  yaşanan bəzi gecikmələr olub.

Solar Power 2  tarixi uçuş əsnasında Bertrand Piccard, co-pilot və eyni zamanda Solar Impulse layihəsinin yaradıcısı  Andre Borschberg-in nəzarətində olub.

Bloomberg-in məlumatına görə,  pilotlar uçuş əsnasında ən çox 20 dəqiqə yata bilib və 24 saatlıq gün içində bunu 12 dəfə təkrarlayıb. 

Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.