Hotmail servisinin müştərilərinə yönəldilmiş xaker hücumu daha genişmiqyaslı ola bilər

08-10-2009 / 10:34

Əvvəlcə ehtimal olunduğu kimi yalnız Hotmail servisinin müştərilərinə yönəldilmiş xaker hücumu daha genişmiqyaslı ola bilər. Belə ki, internetdə nəinki Hotmail, həmçinin Google, Yahoo, AOL və digər poçt xidmətlərinin 30 mindən çox istifadəçisinin və onların elektron poçtların parollarının siyahısı yerləşdirilib.

Məlumat üçün bildirək ki, Hotmail elektron məktub sisteminin minlərlə istifadəçisinin elektron ünvanları və parolları internetdə dərc edilib.

10 mindən çox istifadəçinin elektron məktub ünvanlarının detallarının açıqlanması onları haker hücumları üçün hədəfə çevirə bilər. Ünvanların əksər hissəsi Avropada yerləşir.Mikrosoft araşdırmaya başladığını bəyan edib.

"Biz agahıq ki, bəzi Windows Live Hotmail müştərilərinin detalları qanunsuz olaraq əldə edilib və internetdə dərc olunub. Biz dərhal lazımi təhlükəsizlik tədbirləri gördük və təhqiqata başladıq."-deyə Mikrosoftun nümayəndəsi bildirib

Lakin mütəxəssislər düşünür ki, açıqlanmış ünvan və parolların siyahısı daha çox ola bilər.Adamların 40 faizi eyni paroldan müxtəlif internet saytları üçün istifadə edirlər.

Poçt akkauntlarını sındırmış xakerlərin fişinq sxemindən (tanınmış şirkətlər, misal üçün bank, sosial şəbəkə, poçt xidmətləri adından istifadəçilərdən onların şəxsi məlumatlarının, yəni login və parolların alınması məqsədilə spam göndərişi) istifadə etdikləri ehtimal olunur. İT-təhlükəsizlik üzrə mütəxəssislər bədəməl istifadəçilərin hücumuna məruz qalmış resurslardakı parolların dəyişdirilməsinə dair tövsiyələrlə çıxış ediblər.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.