RƏQƏMSAL DÜNYA

Alimlərə görə, İnternet istifadəsindəki sürətli artım bu şəkildə davam edərsə, 2023-cü ildə mövcud İnternet infrastrukturu qeyri-kafi vəziyyətdə olacaq.

Xəbərlər-in verdiyi məlumata görə, ingilis alimləri İnternetin 2023-cü ildə çökə biləcəyinə dair xəbərdarlıq edib. Bu xəbərdarlığın arxasında isə məlumatların ötürülməsini təmin edən mövcud infrastrukturun qeyri-kafi olması göstərilir.

Xəbərdarlığı edən Birmingham Universitetinin professoru Andrew Ellis önümüzdəki səkkiz il içində bu kritik nöqtəyə çatıla biləcəyini ifadə edir. Etdikləri laboratoriya testlərinin, ünsiyyəti təmin edən kabellərin 2023-cü ildə fiziki sərhədlərinə çatacağını təsbit etdiklərini söyləyən professor Ellis indidən bunun qarşısını almaq üçün tədbirlərin görülməsinin lazım olduğunu söyləyir.

Professor Ellis kritik tarixin bu qədər yaxın olmasında məlumatların miqdarındakı artımın yanında İnternet üçün lazım olan enerji miqdarının da əhəmiyyətli olduğunu yazır. Hələ də İngiltərədəki enerji istehlakının yüzdə 16 faizinin İnternet üçün xərcləndiyini söyləyən Ellis bu məbləğin hər dörd ildə bir iki qat artdığını söyləyir.

İngiltərənin buradakı bir başqa əhəmiyyəti dünya xəritəsində internetin əsas qovşaq nöqtələrindən biri olmasıdır. Burada yaşanacaq bir tıxanma birbaşa bütün dünyadakı İnternet girişinə təsir edə bilər.

Ağasəf Haqverdiyev