İnternetin taleyi necə olacaq?

29-06-2009 / 20:10

Qitələrarası sualtı çəkilən internet kabelləri getdikcə yüklənir. Dünyada internet istifadəçilərinin artması internet kanalında sıxlıq yaradır. Heç bir internet xidmət təminedicisi buna tab gətirə bilmir. Problemin yeganə həlli kabelləri genişləndirmək və sualtı kabellər çəkdirməkdir.

Telegeography-nin araşdırmalarına görə , Atlantik okeanı altındakı bütün kabellər 2014-cü ildə tam tutumu ilə istifadə ediləcək və internet bazarına girmək mümkün olmayacaq.

Telegeography Analitiki Erik Kreifeldt qeyd edib ki, “Hazırda dünyada yeni bir ünsiyyət kanalını yaratmaq olduqca bahalıdır. Mümkün olduqca qiymətlər enməlidir”.

İndi qitələrarası dənizaltı kabellərin tutumu saniyədə 40 Terabitdir (Tbps). 2008 və 2015- ci illər arasında bu kabellərin istifadə nisbətinin 33% artacağı nəzərdə tutulur. Məlumat trafiki alt-üst olmadan əvvəl müəyyən tədbirlərin görülməsi vacib şərtlərdən biridir.

Hal-hazırda informasiya kanalı üzərində işlər görülməkdədir. Rəsmi olaraq müqavilələrin imzalanması və yeni kabellərin dənizaltına döşənilməsi təxminən 18 aya qədər vaxt apara bilər. Sakit okeanı altındakı kabellərdə isə belə bir problem yoxdur. Yeni intra-Asian kabel xətti çəkilərək Asiya iqtisadiyyatında paralel şəkildə yeniliklər etdi.

Xatırladaq ki, 2008-ci ildə sualtı 15 yeni kabel çəkilmişdir. Bu il isə 16 sualtı kabel çəkilməsi planlaşdırılır. Sualtından keçən kabellərə ən böyük sərmayə 2001-ci ildə qoyulmuşdu və 13,6 milyard dollar xərclənmişdi. 2009-cu ildə sualtı kabellərə ayrılan vəsait isə cəmi 2,6 milyard dollardır.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə