iOS 8 Apple mobil qurğularının 85 faizində quraşdırılıb

22-07-2015 / 17:08

Apple şirkəti iOS mobil əməliyyat sisteminin versiyalarının yayılması ilə bağlı yeni məlumatlar açıqlayıb.

Xəbərlər-in RYTN-nin rəsmi saytına istinadən verdiyi məlumata görə, hazırda iOS 8 platforması qurğuların 85 faizində quraşdırılıb.

Sistemin adaptasiyası üçün əvvəlki versiya - iOS 7 ilə müqayisədə uzun müddət lazım olub. Belə ki, 85 faizlik göstəriciyə nail olmaq üçün iOS 8 doqquz ay vaxt sərf edib.

Platformanın zəif yayılmasını ötən il kənar müşahidəçilər qeyd edib, bu, sonradan Apple tərəfindən təsdiqini tapıb.

Yeni sistemin zəif yayılmasına hansı amillərin təsir etməsini demək çətindir. İstifadəçilərin əksəriyyəti ilk buraxılışda çoxlu çatışmazlığın olmasını bildirir, başqalarının funksiyalar dəsti xoşuna gəlmir. Şikayətlər ən çox 5 QB boş yer tələb edən yenilənmə ölçüsü ilə bağlıdır və bütün bunlar yeni sistemin yayılma sürətinə öz təsirini göstərib.

İlk yenilənmələr buraxıldıqdan sonra vəziyyət tədricən düzəlməyə başlayıb ki, bu da iOS 8-in populyarlığını artırıb. Lakin yayılma tempinə görə platforma hələ də altıncı və yeddinci versiyalardan xeyli geri qalır. iOS 7 mobil qurğuların 13 faizində, sistemin daha əvvəlki versiyaları iPhone, iPad və iPod touch qurğularının 2 faizində quraşdırılıb.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə