İNNOVASİYA VƏ STARTAP

Məlumat verdiyimiz kimi, hər il ABŞ Dövlət Departamenti və AAAS ( Amerika Elmə Dəstək Assosiasiyası) tərəfindən Elm və Texnologiyada Qlobal İnnovasiya Təşəbbüsü  (GİST) keçirilir.

Belə ki, GİST çərçivəsində hər il ən yaxşı innovativ ideyaları seçilir və GES sammitində iştirak hüququ  qazanır.

Bir müddət də öncə bildirdiyimiz kimi, Azərbaycanı bu müsabiqədə HealthBox adlı innovativ layihə ilə Leyla Tağızadə təmsil edirdi.

Belə ki, HealthBox  layihəsi yarımfinala çıxmış 102 layihə arasında 30 ən çox səs yığan layihələr sırasında finala çıxdı.

Leyla Tağızadə ölkəmizi təmsil etmək üçün  ötən il , 20-24 iyun tarixlərində ABŞ-ın Kaliforniya ştatında, dünyanın İT mərkəzi hesab edilən Silikon Vadisində keçirilən  qlobal sammitə qatılıb.

Qeyd edək ki, bu il sammit dünyanın ən məşhur universitetlərindən hesab edilən Stanford-da baş tutub.

Bir müddət öncə bildirdiyimiz kimi, Leyla Tağızadə məşhur Founder Institute-da (Fİ)  startap akseleratorunda 4 aylıq ödənişsiz təhsil hüquqi qazanıb. Belə ki, xanım startpçımız  Founder Institute-da erkən startap akseleratorunun Female Founder Fellowship təqaüdünü  qazanıb.

Hazırda Leyla Tağızadə məşhur Founder Institute-da (Fİ)  startap akseleratorundakı proqramda iştirak edir.

Qeyd edək ki, HealthBox startapının adı da dəyişdirilib. Belə ki, yerli layihəmiz artıq Reseptron adlı veb-platformada təqdim edilib.

Founder Institute-na qatılan 20 qlobal startapdan yalnız 6-sı proqramda fəaliyyətini davam etdirmək hüququ qazanıb. Onlardan biri də yerli startapımız Reseptron-dur.

Bu barədə Xeberler.az-a layihə rəhbəri Leyla Tağızadə məlumat verib.

Onun sözlərinə görə, layihənin bu proqramda sona qədər qalması üçün dəstək lazımdır:

“Proqramda iştirak gedikcə çətinləşir. Şərtlərdə qeyd edilib ki, hər həftə 5 faiz artım tempi göstərməliyik. Əks təqdirdə biz də proqramdan kənarlaşdırıla bilərik”.

Qeyd edək ki, www.reseptron.com -a daxil olaraq mail ünvanınız ilə layihəyə abunə olaraq dəstək ola bilərsiniz.

Məlumata görə, saytda abunə olan ilk 250 şəxs Leyla Tağızadə və startapı tərəfindən xüsusi hədiyyə qazanacaq.

Reseptron mobil tətbiqi ilə insanlara kamera və ya mətn yolu ilə daxil edilmiş tibbi reseptlər əsasında apteklərlə əlaqə qurmağa kömək edir.

Məltəm Talıbzadə