Litva ilə Azərbaycan İKT sahəsində əməkdaşlığı genişləndirir

30-06-2016 / 13:37

Litva İKT sahəsində Azərbaycanla əməkdaşlığın genişləndirilməsində maraqlıdır.

Xeberler.az-ın məlumatına  görə, bunu AZƏRTAC-a müsahibəsində Litvanın nəqliyyat və kommunikasiya naziri Rimantas Sinkyaviçyus deyib:
 
"Biz şəhər və kənd yerləri arasında rəqəmsal qeyri-bərabərliyin azaldılması üzrə elektron kommunikasiyalar sahəsində Avropa İttifaqında nümunəvi hesab edilən iri layihələrin reallaşdırılması təcrübəsini bundan sonra da bölüşməyə hazırıq".
 
R.Sinkyaviçyusun fikrincə, Litvanın ictimai sektorda elektron xidmətlər yaradılması sahəsində təcrübəsi də Azərbaycan üçün maraqlı ola bilər. Nazir bildirib ki, Litva elektron ictimai-inzibati xidmətlər sahəsində tərəqqi baxımından Aİ ölkələri arasında liderlərdən biridir. Litvanın "DocLogix" şirkəti "Azərbaycan Respublikasında "G-Cloud" bazasında vahid elektron sənəd dövriyyəsi" layihəsinin reallaşdırılması çərçivəsində öz xidmətlərini təklif edir və əməkdaşlığın uğurla davam etdiriləcəyinə ümid bəsləyir.
 
Nazir diqqətə çatdırıb ki, Litvanın İKT şirkətləri Azərbaycana elektron hökumət sahəsində müvafiq həllər  təklif edə bilərlər. Nazirin sözlərinə görə, ölkələrimiz arasında əməkdaşlığın mümkün sahələrindən biri də strateji dövlət resursu olan radiotezliklərdən səmərəli istifadə edilməsidir.
 
"Qeyd etmək lazımdır ki, Azərpoçt MMC və Lietuvos pastas səhmdar cəmiyyəti "SC/STEFİ" sistemi vasitəsilə elektron pulköçürmələrinin təşkilində əməkdaşlıq edirlər. 2015-ci il aprelin 1-də iki ölkənin poçt təşkilatları arasında müvafiq müqavilə imzalanıb"- deyə o, həmçinin qeyd edib.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.