Marsda ilk evlər 3D printerdə çap ediləcək

23-02-2017 / 16:18

Məlumdur ki, faydalı yükün hər kiloqramının Marsa çatdırılması böyük vəsait (100000 ABŞ dollarından çox) tələb edir.

Eyni zamanda nəzərə almaq lazımdır ki, kosmik gəminin nəqliyyat imkanları son dərəcə məhdudlaşdırılacaq.

Təəccüblü deyil ki, hazırda alimlər ilk Mars missiyasının həyata keçirilməsi zamanı qənaət etmək üçün müxtəlif yollar axtarırlar.

NASA və Mərkəzi Florida Universitetinin tədqiqatçıları ilk Mars kolonistlərinin mənzil probleminin həlli üçün evciklərin yerli materiallardan (inşaat 3D-printeri üçün mürəkkəbin istehsal ediləcəyi Mars torpağı) tikilməsini təklif ediblər.

Xeberler.az ict.az-a istinadən məlumat verir ki, evlərin reqolitdən tikilməsi planlaşdırılır. Həmin material 1650 dərəcə Selsi temperaturda xüsusi kamerada əridikdən sonra elektrolizə məruz qalacaq.

Bu, ondan lazımi metalları və həyati əhəmiyyətli oksigeni çıxarmağa imkan verəcək. Əridilmiş metal Mars evciklərinin detallarının çapı üçün 3D-printerin mürəkkəbinin komponenti kimi istifadə olunacaq.

Qeyd etmək lazımdır ki, 3D-çap texnologiyalarından tikintidə istifadə artıq yenilik deyil. Belə ki, Dubayda (BƏƏ) bir neçə ofis binası inşa edilib, Çin şirkətləri isə gündə 10-dək çap edilmiş ev tikməyi təklif edir.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.