Mastercard jurnalistlər üçün seminar keçirib

05-11-2019 / 15:09

“Mastercard” Azərbaycan Respublikasının Maliyyə Bazarlarına Nəzarət Palatası ilə birgə media nümayəndələri üçün “Rəqəmsal ödənişlər və innovativ həllər” mövzusunda seminar keçirdi.

Xeberler.az bildirir ki, media təlimdə “Mastercard”ın ekspertləri Mithat Perkoz və Murat Durmaz rəqəmsal ödənişlər və innovativ texnologiyalar, ödəniş kartları, rəqəmsal ödənişlərin üstünlükləri və bu sahədə təhlükəsizlik, həmçinin innovativ həllər, yeni təşəbbüslər haqqında təqdimatlarla çıxış etdilər. Təlimin sonunda seminara qatılmış 30-a yaxın jurnalistə şirkət tərəfindən sertifikatlar təqdim olundu.

Qeyd edək ki, seminar Azərbaycan Respublikasının Maliyyə Bazarlarına Nəzarət Palatası, Azərbaycan Respublikasının Mərkəzi Bankı və Azərbaycan Banklar Assosiasiyasının birgə iştirakı ilə təşkil olunan “Nağdsız Cəmiyyət Günləri” çərçivəsində keçirilib. “Nağdsız Cəmiyyət Günləri”nin məqsədi nağdsız ödənişlər barədə ictimai məlumatlılığın artırılması və insanların nağdsız ödənişlərə marağının genişləndirilməsindən ibarətdir.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.