AVADANLIQ

Məlumat verdiyimiz kimi, 2015 və 2016-cı tədris illəri ərzində təhsil müəssisələrinə yeni İKT avadanlıqlar verilib.

Maraqlıdır ki, bu avadanlıqlar əsasən hansı meyarlara görə seçilir?

Məktəblərdə İT avadanlıqlarında yaranan poblemləri kimlər həll edir? Bununla bağlı xüsusi komanda formalaşdırılıbmı?

Xeberler.az olaraq məsələ ilə maraqlandıq.

Təhsil Nazirliyindən sorğumuza cavab olaraq bildirilib ki, seçim zamanə əsasən İKT avadanlıqlarının pedaqoji yönümlülüyünə diqqət olunur:

“ Məsələn, Promethean elektron lövhələrini nümunə göstərmək olar. Bu cihazın nəinki avadanlıq, eyni zamanda müxtəlif fənlərə aid elektron veb məzmunu var ki, müəllimlər bundan dərslərində istifadə edə bilərlər. Bununla yanaşı müəllimlərin elektron resurs hazırlama və onları başqa müəllimlərlə paylaşma Azərbaycan dilində portalı mövcuddur. Eyni zamanda şirkət elektron lövhələrdən istifadə ilə bağlı pulsuz təlimlər təşkil edir.Qeyd olunanlarla yanaşı avadanlıqlar dövlət tərəfindən müəyyən olunmuş satınalma proseduraları əsasında alınaraq məktəblərə paylanırlar.

Avadanlıqlar məktəblərdə necə quraşdırılır? Məhsulunu satanşirkət onları qurur və ya Təhsil Nazirliyi də bunun üçün xüsusi işçi qrupu ayırıb?

“Avadanlıqlar satınalma prosesi zamanı qalib gələn şirkət tərəfindən məktəblərdə qurulur”.

 Məktəblərdə İT avadanlıqlarındakı problemlər, proqram təminatının  yenilməsi və bu kimi  digər işləri kimlər həyata keçirir? Ümumiyyətlə, bu avadanlıqların proqramlarının yenilənməsi mütəmadi həyata keçirilirmi?

“Təhsil müəssisələrinə verilən avadanlıqlara zəmanət şərtlərinə uyğun olaraq, texniki dəstək xidmətləri göstərilir. Ötən tədris ili ərzində Bakı və Sumqayıt şəhərlərinin, o cümlədən Abşeron rayon təhsil müəssisələrinin avadanlıqlarına texniki dəstək xidmətləri göstərilib.Yeni tədris ili ərzində isə 50 rayonun təhsil müəssisəsinə verilən İKT avadanlıqlarına texniki dəstək xidmətlərinin göstərilməsinə başlanacaq”.

Məltəm Talıbzadə