TEXNOLOGİYA

Məlum olduğu kimi, son dövrlər ABŞ-ın  texnologiya nəhəngi Microsoft üçün işlər yolunda getmir. Bunun nəticəsidir ki, şirkət  2 minə yaxın adamı işdən çıxarıb, yaxında isə 700 nəfəri işdən azad edəcək.

Bir müddət öndə qeyd etdiyimiz kimi, Microsoft strategiya dəyişikliyinə uyğun  olaraq təxminən 3 min adamı işindən çıxaracağını açıqlayıb.

Şirkət ötən gün bu strategiyaya uyğun  yaxın zamanda daha 700 adamın işdən çıxarılmasıyla hədəfinə çatacağını paylaşıb.

Bununla da şirkət hədəflədiyi işdən çıxarma rəqəmlərinə çatmış olacaq və yeni strategiyasına uyğun olaraq təxminən 1600 adam işə götürəcək.

Məlumatlara görə, Microsoft-da işdən çıxarılanların əksəriyyət mobil sektor üzrə işləyənlər olub.

Ekspertlər də düşünür ki, şirkət mobil bazarda gözlədiyi müvəffəqiyyəti əldə edə bilməyib və bu bazardan imtina edib. İndi isə bütün diqqəti bulud texnologiyalarına yönəldib.

Marqlıdır, görəsən şirkətin yeni strategiya dəyişikliyi regionlardakı fəaliyyətinə də təsir edəcək?

Məlumdur ki, hazırda şirkətin ölkəmiz üzrə bölməsi  “Microsoft Azerbaijan” fəaliyyət göstərir. Bu kütləvi işdən çıxarmaların Azərbaycana da təsiri ola bilərimi?

“Microsoft Azerbaijan şirkəti əməkdaşlarının sayını azaltmağı və ya strategiyasını dəyişməyi planlaşdırmır. Biz hər zaman olduğu kimi bulud texnologiyaları sahəsində ölkə üçün prioritet sahələri inkişaf etdirməyə, ən son texnoloji yeniliklərə keçidi təmin etməyə davam edəcək və Azərbaycanda innovasiyanın yüksəlişinə dəstək verəcəyik”.

Bunu məsələ ilə bağlı Xeberler.az-ın sorğusuna cavab olaraq Microsoft Azerbaijan-dan bildiriblər.

Qeyd edilib ki, şirkətin Milli İnkişaf Planına uyğun olaraq, əsas priotetlər qısamüddətli hədəf kimi iqtisadiyyatın bütün sahələrində xərclərin səmərəliliyinin artırılması, uzunmüddətli hədəf kimi isə innovasiya yönümlü qeyri-neft sektorunun inkişafı, təhsil sisteminin fərdiləşdirilmiş tədris istiqamətində transformasiyasıdır.

Məltəm Talıbzadə