Microsoft fərdi məlumatları Avropa İttifaqındakı serverlərdə yerləşdirəcək

13-11-2015 / 10:39

Microsoft 2016-cı ilin ikinci yarısından korporasiyanın Avropa istifadəçilərinin fərdi məlumatlarını Almaniya və Böyük Britaniyada yerləşən serverlərdə saxlaya biləcəklərini bəyan edib.  

Xeberler.az xarici mətbuata istinadən bildirir ki, burada ABŞ xüsusi xidmət orqanlarının fərdi məlumatlardan istifadə etmək imkanı olmayacaq.  

Məlumata görə, Avropa istifadəçiləri haqqında informasiya T-Systems şirkətinin (Almaniyanın Deutsche Telekom AG telekommunikasiya qrupunun törəmə şirkəti) iki məlumat emalı mərkəzində saxlanılacaq. Microsoft bu məlumatlara yalnız konkret istifadəçinin və ya T-Systems şirkətinin icazəsi ilə baxa biləcək.

Bundan başqa, ABŞ korporasiyası London yaxınlığında məlumat emalı mərkəzini istifadəyə verməyi planlaşdırır. Analitiklərin fikrincə, bu, korporasiyaya Britaniya paytaxtında fəaliyyət göstərən maliyyə şirkətlərindən yeni müştərilər cəlb etməyə imkan verəcək. Artıq Microsoft-un BULUD servislərinin müştəriləri sırasına Marks & Spencer Group və Virgin Atlantic Airways Ltd kimi şirkətlər daxildir.

Oktyabrda Avropa İttifaqının yuxarı instansiya məhkəməsi olan Avropa Məhkəməsi Aİ tənzimləyici orqanlarının informasiyanın ABŞ ərazisində yerləşən serverlərə ötürülməsini qadağan etmək hüququna malik olması ilə bağlı qərar çıxarıb. Buna səbəb kimi ABŞ şirkətlərinin fərdi məlumatların, o cümlədən xüsusi xidmət orqanları əməkdaşlarının fərdi məlumatlarının mühafizəsini lazımi səviyyədə təmin edə bilməməsi göstərilib. Avropa və ABŞ şirkətləri istifadəçilərin fərdi məlumatlarını 2000-ci ildən Safe Harbor sazişi əsasında müstəqil mübadilə edirlər.

Qəbul edilən qərardan sonra Almaniyanın tənzimləyici orqanları gələcəkdə məlumatların ABŞ-a ötürülməsinə icazə verməyəcəklərini bildiriblər.

Bitkom şirkəti tərəfindən aparılan sorğudan məlum olub ki, Almaniya şirkətlərinin 83 faizi BULUD məlumatlarını ölkə ərazisində yerləşən məlumat emalı mərkəzlərində saxlamaq niyyətindədir.

 

Xeberler.az 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.