MilliNet2025-ə hazırlıqlar başa çatmaq üzrədir.
Xeberler.az bildirir ki, Milli İnternet Mükafatı – MilliNet2025 müsabiqəsinə cari aydan start veriləcək və resursların qeydiyyatı gələn aydan başlanacaq.
MilliNet Qaydalarında əsasən əvvəlki şərtlər qüvvədə olacaq. Bəzi Nominasiyalarda dövlət və özəl resurslar arasında rəqabətli mühitin təmin edilməsi üçün müəyyən əlavə şərtlər daxil edilməsi nəzərdə tutulub.
Qiymətləndirmələr istifadəçilər tərəfindən deyil, yalnız münsiflər tərəfindən aparılacaq.
Yalnız bir Nominasiya üzrə, “İlin Rəqəmsal Siması” Xüsusi nominasiyası üzrə qalib MilliNet TK tərəfindən müəyyən ediləcək.
Müsabiqənin cari ildə keçirilməsi ilə bağlı bir çox məsələlər artıq öz həllini tapıb. Rəqəmsal İnkişaf və Nəqliyyat Nazirliyi MilliNet2025-ə rəsmi dəstək verir.
Əsas məsələni, qiymətləndirməni həyata keçirəcək münsiflərin rotasiya qaydasında yenilənməsi aparılır və yeni tərkib formalaşdırılacaq.
MilliNet2025-də 13 əsas Nominsiya və 1 Xüsusi nominasiya olacaq:
1. İlin süni intellekt həlli
2. İlin rəqəmsal hökumət həlli
3. İlin rəqəmsal təhsil resursu
4. İlin rəqəmsal maliyyə həlli
5. İlin e-ticarət həlli
6. İlin rəqəmsal sosial resursu
7. İlin rəqəmsal səhiyyə və sağlamlıq resursu
8. İlin innovativ həlli
9. İlin rəqəmsal oyunu
10. İlin informasiya resursu
11. İlin rəqəmsal mədəniyyət və turizm həlli
12. İlin rəqəmsal biznes həlli
13. Ilin rəqəmsal marketinq həlli
Xüsusi nominasiya
1. İlin rəqəmsal siması
