Finlandiyanın Nokia şirkəti Microsoft korporasiyası ilə müvafiq saziş imzaladıqdan sonra 2016-cı ildən etibarən telefonların hazırlanmasını bərpa etməyi planlaşdırır.
Xeberler.az RYTN-nin rəsmi saytına istinadən məlumat verir ki, bu barədə şirkət rəhbəri Raciv Suriv bildirib.
“Biz münasib tərəfdaşlar axtaracağıq. “Microsoft” mobil telefonlar istehsal edir. Biz sadəcə onları hazırlayacağıq və sonradan brend üçün lisenziyanı satacağıq”, - o qeyd edib.
Nokia-nın telefon istehsalını bərpa etməyi planlaşdırması ilə bağlı KİV apreldə məlumat verib. Lakin o zaman şirkət bu məlumatı rəsmən təkzib edib.
Finlandiya istehsalçısı mobil biznesinin ABŞ-ın "Microsoft” korporasiyasına 5,4 milyard avroya satılmasını 2013-cü ilin sentyabrında bəyan edib. Saziş 2014-cü ilin aprelində tamamlanıb. Bundan sonra “Nokia Technologies” bölməsindən başqa Finlandiya şirkətinin strukturunda daha iki bölmə qalıb. Onlardan biri şəbəkə avadanlıqlarının yaradılması və onlara xidmət üzrə bölmə, digəri kiçik “HERE” naviqasiya proqram təminatı bölməsidir.
Microsoft ilə imzalanan sazişə görə, şirkətə 2016-cı ilin dördüncü rübünədək telefonlarda Nokia brendindən istifadə qadağandır.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri