“Oyunlar zamanı bizə qarşı informasiya müharibəsi ən şiddətli mərhələyə qədəm qoymuşdu”

21-07-2015 / 11:30

“Avropa Oyunları ərəfəsində və Oyunlar zamanı bizə qarşı informasiya müharibəsi ən şiddətli mərhələyə qədəm qoymuşdu. Ancaq bu informasiya müharibəsində Azərbaycan xalqı və dövləti qalib gəlib. Çünki bu kampaniya və bu kampaniyanın son mərhələsi bir daha göstərib ki, heç bir kənar qüvvə bizim iradəmizə təsir edə bilməz."

Xeberler.az-ın məlumatına görə, bu sözləri ötən günlərdə  Prezident İlham Əliyev Nazirlər Kabinetinin 2015-ci ilin birinci yarısının sosial-iqtisadi inkişafının yekunlarına həsr olunmuş iclasında deyib.

Xatırladırıq ki, bundan əvvəl  də ölkə başçısının çıxışlarında ölkəmizə qarşı aparılan informasiya müharibəsi, onun xüsusiyyətləri, bunu aparan şəxslər və qurumlar haqqında məlumatlar verilib.

Prezident  Avropa Oyunları zamanı ölkəmizə qarşı olan informasiya müharibəsini, kiber hücumları bir daha diqqətə  gətirib. İlham Əliyev bu müharibənin Oyunlar zamanı ən yüksək mərhələyə qədəm qoyduğunu bildirib  və bu dəfə ölkəmizin bu savaşdan  qalib çıxdığını vurğulayıb.

Xeberler.az  olaraq  biz bir neçə dəfə Avropa Oyunları zamanı sosial media üzərindən ölkəmizə qarşı müxtəlif kampaniyaların keçirilməsi haqqında məlumatlar vermişdik. 

Bir sıra media qurumları, o cümlədən Azərbaycan Mətbuat Şurası jurnalistlərə müraciət edərək, onları  bu kampaniyaya qarşı aktiv fəaliyyətə çağırmışdı.

Müşahidələr də göstədi ki,  İlk Avropa Oyunlarının gedişində ölkənin əksər İnternet media və sosial media istifadəçiləri vahid bir mövqe  ortaya qoydular. Oyunların keçirildiyi müddətdə sosial mediada bir toparlanma baş verdi, Azərbaycanın imicinin qorunması, Azərbaycan maraqlarının dəstəklənməsi ilə bağlı vahid bir mövqedən fəaliyyət göstərildi.

Oyunların keçirildiyi 17 gün ərzində Azərbaycan istifadəçiləri tərəfindən  #Baku2015  #EuropeanGames  #RealBaku  #HelloBaku  #BakuGames2015 kimi həştəqlərdən istifadə edilərək yüz minlərlə tvit yazıldı.
Oyunlarla bağlı sosial mediada on minlərlə foto və video materiallar yayıldı,  açılış mərasimində #baku2015 həştəqi nəinki Azərbaycanda, eləcə də bir sıra xarici ölkələrdə trendə çevrildi.

Oyunların açılışı və bağlanışı zamanı aparılan informasiya müharibəsinin  analizi, həştəq müharibələrinin nəticələri, bu savaşdan sonra yaranan mühit  bir daha onu göstərdi ki  informasiya müharibəsində Oyunların nüfuzdan salınması baş tutmadı.
Diqqət çəkən məqam həm də  ondan ibarət oldu ki, Azərbaycana qarşı məqsədli hücumların, informasiya hücumlarının qarşısının alınmasında əsas yeri məhz sosial media, İnternet media tutdu.
Azərbaycanın İnternet  və sosial mediası  beynəlxalq ictimai rəyə təsir imkanlarının  yetərincə olduğunu göstərə bildi.

Bu baxımdan da ekspertlər  hesab edir ki ,  hökumət  İnternet ve sosial medianın inkişafı məsələsinə yeni bir yanaşma ortaya qoyacaq. İnternet medianın  və  sosial medianın inkişafı istiqamətində ciddi addımlar atılacaq.

 Məltəm Talıbzadə 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.