“Podkast - audio bloqçuluq”la bağlı ilk seminar keçirilib

01-02-2011 / 22:59

1 Fevral tarixində Gənclərin Fəaliyyətinə Dəstək Mərkəzində Azərbaycanda ilk \"Podkast - audio bloqçuluq” haqqında seminar keçirilib. Seminarda podkast, podkastın əhəmiyyəti, podkast haqqında texniki biliklər, podkast alətləri və audio bloqçuluq haqqında nümunələrə əsasən ümumi məlumatlar verilib.

Tədbirə podkastla maraqlanan bloqçular, jurnalistika fakültəsinin tələbələri və həvəskar gənclər iştirak edib.Podkast - audio bloqçuluq sahəsində geniş təcrübəyə malik  Azər Nəzərov (www.velvele.az) və Xanım Cavadova (www.cive.az) seminar iştirakçıları qarşısında xüsusi təqdimatla çıxış ediblər.

Məlumat üçün qeyd edək ki, Azərbaycanda ilk \"Podkast - audio bloqçuluq” seminarı \"Sosial Podkastinq\" layihəsi çərçivəsində keçirilir. Layihə çərçivəsində,bu təlimdən əlavə, Bakı və Sumqayıt şəhərlərində bir sıra podkast təlimləri və seminarları keçirilməsi planlaşdırılır. 
 
\"Sosial Podkastinq\" layihəsi “Netizen” (“İnternet Citizen”) Yeni Media təşkilatı tərəfindən keçirilir. Layihənin kordinatoru Jalə Nəcəfovanın verdiyi məlumata görə təşkilatın  məqsədi Azərbaycanda Yeni Medianı inkişaf etdirmək,Yeni Medianın cari inkişaf sürətini yerli və xarici mütəxəssislərin köməyilə artırmaq, bu sahədə beynəlxalq yenilikləri izləyərək onların yerli tətbiqinə kömək etməkdən ibarətdir.

xeberler.az/Ellada


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə