Qazaxıstan Çinin iştirakı ilə 100 MVt gücündə məlumat mərkəzi tikəcək

03-09-2025 / 12:32

Qazaxıstan və Çin 100 MVt gücündə böyük məlumat mərkəzi tikmək barədə razılığa gəliblər.

Xeberler.az Qazaxıstan mətbuatına istinadən məlumat verir ki, bunu “Kazaktelekom” SC-nin İdarə Heyətinin sədri Bağdat Musin bildirib.

O əlavə edib: “Biz 100 MVt gücündə məlumat mərkəzinin tikintisindən danışırıq. Daha aydın olmaq üçün qeyd edim ki, bu, bərpaolunan enerji mənbələri üzərində işləyəcək bütöv bir İT resursları şəhəridir”.

“Kazaxtelekom” və “China Energy Overseas Investment” arasında bağlanan saziş Qazaxıstan Prezidenti Kasım-Jomart Tokayevin Pekində səfəri zamanı imzalanıb. Sazişə əsasən, 20 MVt gücündə ilk modulun tikintisinə 2026-cı ildə başlanacaq. Bağdat Musin bu razılaşmanı Qazaxıstanın süni intellekt infrastrukturunun inkişafının gələcəyi adlandırıb.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə