RƏQƏMSAL DÜNYA

Dövlət Statistika Komitəsi tərəfindən cari ildə cəmiyyətdə İKT-dən istifadə səviyyəsinin qiymətləndirilməsi üzrə sorğu keçirilib.

Xəbərlər-in verdiyi məlumata görə, sorğunun nəticələrindən belə qənaətə gəlmək olar ki, ölkədə hər 100 nəfərə düşən internet istifadəçilərinin sayı 75-ə, genişzolaqlı İnternet istifadəçilərinin sayı 65-ə, kompüter istifadəçilərinin sayı isə   67.8-ə bərabərdir.

Həmçinin, sorğunun nəticəsinə görə, ev təsərüfatlarının 58.3 faizində kompüteri var və ev təsürrüfatlarının 75.2 faizinin İnternetə çıxışı var. Evdə əhali İnternetə 70.6 faizi genişzolaqlı xətlə, 25.4 faizi mobil telefonla, yalnız 3.7 faizi isə modem (dial-up) vasitəsi ilə qoşulur.

Son 5 ildə genişzolaqlı xətlə qoşulma 18 dəfə artmış, dil-up qoşulma isə 13 dəfə azalmışdır. İnternet və genişzolaqlı internet istifadəçiləri göstəricilərinə görə Azərbaycan dünya orta göstəricisini təqribən 2 dəfə qabaqlayır.

Məlumat üçün bildirək ki, ölkədə əhalinin internet xidmətlərinə tələbatının artmasının və yaradılmış texniki imkanlığının nəticəsidir ki, beynəlxalq İnternet kanallarının ümumi tutumu ötən ilin müvafiq dövrü ilə müqayisədə 80 Gb/s artırılaraq 330 Gbit/s-ə çatdırılıb. 

Eyni zamanda, Məlumat Hesablama Mərkəzi tərəfindən mövcud ənənəvi şəbəkəyə alternativ olaraq yaradılan və respublikanın bütün ərazisini əhatə edən AzDataKom şəbəkəsinin genişləndirilməsi, ayrı-ayrı sistemlər üzrə proqram təminatının yaradılması, e-xidmətlərin təkmilləşdirilməsi və ya yaxşılaşdırılması istiqamətində müvafiq tədbirlər həyata keçirilib. Hazırda Azdatakom şəbəkəsinin 3362 əhali, 1414 təşkilat abunəçisi vardır.

Xeberler.az