Respublika ərazisində rəqəmli yayıma keçid davam edir

23-11-2015 / 10:58

Respublika ərazisində rəqəmli yayıma keçidin tam təmin edilməsi üçün Teleradio İB tərəfindən  tədbirlər davam etdirilir.

Xeberler.az bildirir ki, Birliyin texniki direktoru Mikayıl Abbasovun verdiyi məlumata görə, yaxın günlərdə Şəmkir RTS-də  41 TVK-da quraşdırılacaq az güclü DVB-T verici vasitəsilə şəhərin yuxarı hissəsinın və ətraf kəndlərin əhalisi rəqəmli yayımla təmin ediləcəklər.

“Hazırda Kəpəz Müstəqil Teleradio Şirkəti MMC-nin müraciətinə əsasən Poylu RTYS-də 1000 Vt gücündə Kəpəz FM proqramını yayımlayan vericinin quraşdırılması işləri həyata keçirilir və yaxın günlərdə göstərilən ərazidə radioproqramın yayımına başlanılacaq”.

Mikayıl Abbasov bildirib ki, CBC SPORT proqramının 37 TVK-da yayımlanan sosial paketin tərkibinə daxil edilərək Bakı və Abşeron yarımadasında HD formatda yayımı təmin edilib. Bundan əlavə İdman Azərbaycan TV kanalının yerüstü rəqəmli yayımının yüksək keyfiyyətli HD formatında yayımlanmasına başlanıb. Hazırda sosial paketə daxil olan proqramların daha keyfiyyətli yayımının təmin edilməsi üçün onların Bakı və Abşeron yarımadasında iki paketdə yayımı (37 və 48 TVK) həyata keçirilir.

Birlik direktoru onu da  qeyd edib ki, Azərbaycan Respublikası Prezidentinin dövlət xidmətləri sahəsində ixtisaslaşmış radio yaradılması ilə bağlı tapşırığına əsasən Azərbaycan Respublikası Prezidenti yanında Xidmət və Sosial İnnovasiyalar üzrə Dövlət Agentliyinin Asan FM ümumrespublika radio proqramının yayımının həyata keçirilməsi üçün edilən müraciətinə əsasən Teleradio İB tərəfindən 5 kVt-lıq FM radiovericinin və anten-fider sisteminin alınması üçün istehsalçı şirkətlərə müraciət olunub və proqramın yayımının təşkil olunması istiqamətində işlər hazırda  davam etdirilir.

Xeberler.az

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.