Robot-dezinfektor “Teknofest Azərbaycan”da nümayiş etdiriləcək

12-05-2022 / 22:48

AMEA Yüksək Texnologiyalar Parkının (YTP) yeni inkubator-rezidenti olan “Troniq” MMC “Teknofest Azərbaycan” Aviasiya, Kosmos və Texnologiya festivalında iştirak edəcək.

Xeberler.az bildirir ki, bu barədə məlumat verən müəssisənin direktoru Anar Nəbiyev “Troniq” MMC-nin ən müasir standartlar əsasında istənilən növ avadanlıqlar üçün plataların istehsalı və onların proqram təminatının yazılmasını həyata keçirdiyini bildirib.

A.Nəbiyev qeyd edib ki, müəssisə festival çərçivəsində təşkil olunacaq sərgidə müxtəlif növ robot texnikası, platalar, süni intellekt məhsullarının nümayişini həyata keçirəcək.

“Sərgidə yoluxucu xəstəliklərin, virusların və mikrobların yayılmasının qarşısını almaq üçün hazırlanmış süni intellekt əsaslı “Seit-uv” robotu”nun nümayişi planlaşdırılır”, - deyən şirkət rəsmisi bildirib ki, bu robot öncədən müəyyən edilmiş marşrut üzrə bütün maneələri aşaraq dezinfeksiya işlərini aparmaq imkanına malikdir.

“Troniq” MMC-nin istehsal etdiyi bütün avadanlıqlar və proqram təminatlarının ən yüksək texnoloji tələblərə cavab verdiyini söyləyən A.Nəbiyev bu məhsulların keyfiyyət və təhlükəsizlik üzrə kompleks sınaqlardan keçirildiyini də diqqətə çatdırıb.

Direktor sərgidə, həmçinin süni intellektlə işləyən proqram təminatının təqdim olunacağını da bildirib.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.