Rasim Əliquliyev: "Texnologiya festivalına ev sahibliyi etməyimiz Prezidentin siyasətinin nəticəsidir"

16-03-2022 / 18:32

“Ölkə rəhbərliyinin elmə xüsusi diqqətinin, İKT sahəsində apardığı məqsədyönlü siyasətin nəticəsidir ki, Azərbaycan texnologiya festivalına ev sahibliyi edəcək".

Xeberler.az bildirir ki, bunu “TEKNOFEST Azərbaycan” Aerokosmik və Texnologiya Festivalına Azərbaycan Milli Elmlər Akademiyasının (AMEA) təklif etdiyi layihələrin onlayn müzakirəsinda Akademiyanın vitse-prezidenti, İnformasiya Texnologiyaları İnstitutunun baş direktoru Rasim Əliquliyev deyib.

O, festival çərçivəsində baş tutacaq sərgidə AMEA-nın elmi müəssisələrinin yüksək səviyyədə təmsil olunması üçün görülən işlərdən danışıb, ölkəmizdə texnoloji süverenliyin təmin olunmasının, yüksək texnologiyaların inkişafı sahəsində aparılan işlərin,“ağıllı” infrastrukturun yaradılmasının Azərbaycanın bu sahədə əldə etdiyi uğurların nəticəsi olduğunu bildirib. Alim qeyd edib ki, AMEA-nın elmi müəssisələri sərgidə fəal iştirak etməli, ölkəmizdə müvafiq istiqamətdə əldə olunan nailiyyətləri yüksək səviyyədə təqdim etməlidir.

R.Əliquliyev AMEA-da aparılmış uzunmüddətli tədqiqatların nəticəsi olan, rəqabətədözümlü, intellektual texnoloji məhsulların sərgi iştirakçıları arasında böyük maraq doğuracağına inamını ifadə edib. Vitse-prezident AMEA üçün ayrılmış pavilyonun məzmunlu şəkildə tərtibinin, dizayn, o cümlədən digər qoyulmuş tələblərə uyğunlaşdırılmasının önəminə toxunub, bu istiqamətdə işlərin sürətləndirilməsinin vacibliyini qeyd edib.

AMEA-nın "Yüksək Texnologiyalar Parkı" MMC-nin baş direktoru Vasif Abbasov isə rəhbərlik etdiyi qurumun ölkəmizdə innovativ texnoloji yeniliklərin inkişaf etdirilməsinə, cəmiyyətdə innovativ təşəbbüslərin artırılmasına və elmin kommersiyalaşdırılmasını həyata keçirməklə innovativ sahibkarlığın formalaşmasına hər zaman dəstək verdiyini qeyd edib. O, festivalda yüksək səviyyədə təmsil olunması üçün geniş imkanlara malik olduğunu diqqətə çatdırıb. Texnoparkın rəhbəri sərgidə yer alacaq AMEA pavilyonunda Akademiyanın bir sıra institut və təşkilatları ilə birgə həyata keçirdikləri texnoloji layihələrin, eləcə də texnoparkın rezidentlərinin istehsal etdikləri innovativ məhsulların təqdim olunacağını bildirib.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə