Saxta profillər məsələsi gələn həftə plenar iclasda müzakirəyə çıxarılır

22-11-2016 / 17:02

Bir müddət əvvəl məlumat verdiyimiz kimi, Azərbaycanda internet informasiya ehtiyatında saxta istifadəçi ad və ya hesablardan istifadə edərək böhtan və təhqirlərə yol verməyin cinayət məsuliyyəti yaratması ilə bağlı Milli Məclisə təklif verilib ayılması təklif edilir.

Belə ki, Baş prokuror Zakir Qaralov bununla bağlı Cinayət Məcəlləsinə 148-1 (İnternet informasiya ehtiyatında saxta istifadəçi adlar, profil və ya hesablardan istifadə edərək böhtan atma və ay təhqir etmə) maddəsinin əlavə edilməsi ilə bağlı Milli Məclisə təkliflər layihəsi təqdim edib.

Yeni maddəyə əsasən, internet informasiya ehtiyatında saxta istifadəçi adlar, profil və ya hesablardan istifadə edərək kütləvi nümayiş etdirməklə böhtan atma və ya təhqir etmə 1000 manatdan 1500 manata qədər cərimə və ya 360 saatdan 480 saata qədər ictimai işlər, yaxud 2 ilədək müddətə islah işləri və ya 1 ilədək müddətə azadlıqdan məhrum etmə ilə cəzalandırılır.

Qeyd edək ki, bu məsələ ekspertlər, ictimaiyyət, hətta millət vəkilləri arasında da birmənalı qarşılanmadı və ciddi müzakirələrə səbəb oldu.

Xeberler.az olaraq müzakirələrlə bağlı saytımızda ekspertmillət vəkillərinin münasibətini yayımladıq.

Əldə etdiyimiz məlumata görə, yeni təkliflər layihəsi noyabrın 29-da Milli Məclisin plenar iclasında müzakirəyə çıxarılacaq.

Həmçinin, məsələ ilə bağlı Azərbaycan İnternet Forumu ekspertlərinin Milli Məclisdə görüşü də nəzərdə tutlub. Belə ki, Forum nümayəndələri deputatlarla qeyd edilən məsələlər istiqamətində fikir mübadiləsi aparacaq. 

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.