Yaponiyanın “NEC” şirkəti sərnişinlər üçün nəzərdə tutulmuş pilotsuz təyyarə prototipinin uçuş sınaqlarını həyata keçirib. Qısa nümayiş uçuşu Tokio ətrafı ərazidə yerləşən sınaq poliqonunda baş tutub. Təxminən 3 metr hündürlüyə qalxan “uçan avtomobil” 1 dəqiqə havada qalıb və sonra yerə enib.
Xeberler.az bildirir ki, aparat təhlükəsizlik məqsədilə hər bir tərəfi hasarlanmış “qəfəs”də sınaqdan keçirilib. Bundan əlavə, hava nəqliyyatının bortunda heç kim olmayıb. “NEC” layihəsinin rəhbərlərindən biri Kudji Okadanın sözlərinə görə, Yaponiya əhalisi sıx məskunlaşmış ölkədir: “Bu səbəbdən uçan avtomobillər ictimai yollara düşən yükü xeyli azaltmaq imkanına malikdir”.
2023-cü ilədək bu kimi pilotsuz təyyarələr malların çatdırılması, sonralar isə sərnişin daşınması ilə məşğul olacaq. Qeyd edək ki, “NEC”in tərəfdaşı olan “Cartivator” şirkəti isə 2026-cı ildə “uçan maşınlar”ın kütləvi istehsalına başlamağı planlaşdırır.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları