SOSİAL MEDIA

Məlumat verdiyimiz kimi, bir müddətdir ki, şirkətlərlə istifadəçi əlaqələrini yönlədirəcəyi istiqamətində yeni  funksiya üzərində çalışırdı.

Qeyd edilirdi ki, WhatsApp-ın yeniliyi ilk olaraq banklar, aeroport və şirkətlərin müştərilərinə birtərəfli mesaj göndərməsinə imkan yaradacaq.

Belə ki, istifadəçilər  müştərisi olduğu bankla bağlı WhatsApp üzərindən bildiriş ala biləcək.

Xeberler.az-ın məlumatına görə, şirkət yeni xidmətini istifadəyə verdiyini bu gün rəsmi açıqlaması ilə elan edib.  

İstifadə şərtləri və gizlilik müqaviləsini yenilədiyinə elan edən şirkət artıq Facebook ilə əl-ələ verərək müəssisələrin istifadəçilərinə mesaj atmasına icazə verməyə başlayır.

WhatsApp açıqlamasında şirkətlər üçün SMS və telefon çağırışlarına alternativ bir ünsiyyət kanalı olma xüsusiyyətini gələn aylarda sınaqdan keçirəcəyini deyib.

Şirkət bu yeni xüsusiyyətlərin sınaqdan keçirilməsi üçün də gizlilik şərtlərinin dəyişməsinin vacibliyini vurğulayıb.

WhatsApp xidmətinə reklam almağı planlamadığını da diqqətə çatırıb.

Qeyd edək ki, yeni gizlilik müqaviləsi şirkətin Facebook ilə daha yaxın bir əlaqədə olacağını vurğulayır.

Belə ki, WhatsApp telefon nömrənizi Facebook ilə paylaşmır , ancaq nəhəng sosial şəbəkələr koordinasiya içində çalışacaqlarını deyib.

Bu koordinasiyanın WhatsApp-da spam-la mübarizədə kömək olacağı qeyd edilir.

Günel