Tələbələrimiz beynəlxalq proqramlaşdırma müsabiqəsində uğur qazanıb

29-04-2016 / 16:32

Azərbaycan komandaları X Vekua Kuboku Beynəlxalq Proqramlaşdırma müsabiqəsində iştirak edib.

Xeberler.az-ın məlumatına görə, aprelin 22-25-də Gürcüstan Respublikasının Zuqdidi şəhərində Zuqdidi Dövlət Universitetinin bazasında X Vekua Kuboku Beynəlxalq Proqramlaşdırma müsabiqəsi keçirilib.

Müsabiqədə Azərbaycan 4 ali təhsil müəssisəsindən 7 komanda ilə təmsil olunub:

Qafqaz Universiteti – 3 komanda (9 tələbə)

ADA Universiteti – 2 komanda (6 tələbə)

Azərbaycan Universiteti – 1 komanda (3 tələbə)

Naxçıvan Dövlət Universiteti - 1 komanda (2 tələbə)

Aprelin 23-də  müsabiqənin birinci günü tələbələr fərdi müsabiqədə iştirak edib.  Fərdi müsabiqədə müxtəlif ölkələrdən 198 tələbə iştirak edib. Tələbələrə 4 saat ərzində 8 məsələni həll etmək (proqramını tərtib etmək) və avtomatik qiymətləndirmə sistemi vasitəsilə sınaqdan keçirmə tapşırığı verilib.

Aprelin 24-də müsabiqənin ikinci günü tələbələr komanda müsabiqəsində iştirak edib.

Kommanda müsabiqəsində 147 komanda iştirak edib. Tələbələrə 5 saat ərzində 10 məsələnin proqramını tərtib etmək və avtomatik qiymətləndirmə sistemi vasitəsilə sınaqdan keçirmə tapşırığı verilib.

Aprelin 25-də  müsabiqənin üçüncü günü nəticələr elan edilib və mükafatlandırma mərasimi keçirilib.

Komanda müsabiqəsində Qafqaz U 1 - (Elmi Əhmədov, Təbriz Hacıyev, Qalib Sarayev) - Certificate of High Achievement,  Qafqaz U 2 - (Rəşad Məmmədov, Mahmud Allahverdiyev, Məhəmməd Vəliyev) - Certificate of High Achievement və müsabiqənin xüsusi mükafatı – Prize named Niko Muskhelishvili, Qafqaz U 3 - (Məmməd Hacılı, Rəsul Kərimov, Rövşən Hüseynov) - Certificate of High Achievement, ADA University 1 (Şahinur İsgəndərli, Ramil Həsənov, Elməddin İsmayılov) - Certificate of Achievement Honorable Mention, ADA University 2 (Miradil Zeynallı, Cəlal Rəsulzadə, Nuru Nurdil) - Certificate of Achievement Honorable Mention, Azerbaijan University-2 (Məmməd Kərimli, Elvin Usubov, Cavid Həsənli) - Certificate of Achievement Honorable Mention, Nakhchivan State University (İsmail Rzazadə, Ümid Rzayev, Kamal Məmmədli) - Certificate of Achievement Honorable Mention ilə təltif olunub.

 

 Günel


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.