Smartfondan nazik televizorlar istehsal edilib

03-08-2015 / 17:49

Cənubi Koreyanın LG Electronics şirkəti OLED televizorların çeşidini genişləndirərək çox nazik modellər təqdim edib.

Xeberler.az RYTN-nin rəsmi saytına istinadən məlumat verir ki,  yeni 55 düym ekran ölçüsünə malik OLED TV modellərinin qalınlığı 4,8 mm təşkil edir ki, bu da qalınlığı 6-7 millimetrə bərabər olan smartfonlardan nazikdir. 

Hazırda ən nazik televizor istehsalçıları arasında liderlik uğrunda mübarizəyə Sony şirkəti də qoşulub. Belə ki, bu yaxınlarda Yaponiya istehsalçısı “Bravia” TV xəttinə qalınlığı 4,9 mm olan Ultra HD (4K) formatlı iki model əlavə edib.

Maraqlıdır ki, bu dəfə  Samsung Electronics şirkəti kənarda qalmağa üstünlük verib. Bu Cənubi Koreya istehsalçısı kvant pikselli texnologiyanı (Quantum Dot, QD) tətbiq etməklə yaratdığı yüksək dəqiqlikli SUHD ekranlar 6-9 mm qalınlığa malik olmaqla LG Electronics və Sony modellərindən geri qalır.

DisplaySearch şirkətinin analitikləri bu yanaşmanı ağlabatan hesab edərək qeyd edirlər ki, istehlakçılar üçün televizorun qalınlığı həlledici üstünlük deyil. Ekspertlərin fikrincə, alıcılar yalnız ultranazik qalınlığa görə əlavə pul xərcləməyəcəklər, çünki televizor portativ qurğulara aid deyil.

Xeberler.az 

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.