Viki-mərkəz fəaliyyətini davam etdirir

02-10-2019 / 19:07

Xeberler.az olaraq ”Kitabxanalar mobil informasiya mərkəzi kimi” adlı Beynəlxalq Elmi-Praktiki konfransın keçirilməsi haqqında məlumat vermişdik. Həmin konfransda Vikipediya metodik mərkəzinin fəaliyyəti haqqında geniş məlumat verilib.

Azərbaycan İnternet Formunun Prezidenti, ekspert Osman Gündüz Facebook sosial şəbəkəsində Vikipediya virtual ensiklopediyasının Azərbaycan seqmentindəki vəziyyətlə bağlı bəzi fikirlər paylaşıb, o cümlədən AMEA İnformasiya Texnologiyaları İnstitutunda yaradılan Viki Mərkəzin fəaliyyətinə də münasibətini bildirib. O, Viki Mərkəzin fəaliyyətinin 2016-cı ildə qəflətən dayandırıldığı barədə yanlış informasiya verib. 

Məsələyə AMEA İnformasiya Texnologiyaları İnstitutunun İctimaiyyətlə əlaqələr şöbəsindən münasibət bildirilib. 

Qeyd olunub ki, AMEA İnformasiya Texnologiyaları İnstitutunda Vikipediya ilə bağlı elmi tədqiqatlara və praktiki fəaliyyətə hələ 2007-ci ildən başlanıb. AMEA Rəyasət Heyətinin 4 fevral 2016-cı ildə keçirilən iclasında Viki Mərkəzin və viki- qrupların ötən dövr ərzindəki fəaliyyəti müzakirə olunmuş və növbəti mərhələ üçün yeni vəzifələr müəyyənləşdirilib, Viki Mərkəzin maddi-texniki bazası, AMEA-nın elmi müəssisə və təşkilatlarının Vikipediya ilə bağlı fəaliyyəti daha da gücləndirilib.

Hazırda Viki Mərkəz tədris, Beynəlxalq təcrübənin öyrənilməsi, monitorinq, məsləhət xidməti, informasiya təminatı, təbliğat, elmi-tədqiqat istiqamətləri üzrə fəaliyyət göstərir.

Pərvin Hacıyeva


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.