Gələcək nəsil elektron kitabxanaların formalaşması araşdırılır

12-02-2016 / 13:29

Elektron elmin formalaşması problemləri istiqamətində bibliometrik üsulların elektron kitabxana mühitində tətbiqi imkanlarının araşdırılması və elmi fəaliyyətin qiymətləndirilməsi üçün indekslərin işlənilməsi nəzərdə tutulur.

AMEA-dan  Xeberler.az-a  bu haqda şöbə müdiri Mədinə Səidova rəhbərlik etdiyi şöbənin 2016-cı il üçün fəaliyyət planı ilə bağlı çıxışı zamanı bildirib.

O  qeyd edib ki, cari ildə şöbədə gələcək nəsil elektron kitabxanaların formalaşması prinsipləri, eləcə də ictimai və humanitar elmlər üzrə aparılan tədqiqatlarda İKT-nin tətbiqi perspektivləri araşdırılacaq.

Şöbə müdirinin sözlərinə görə, elmi-innovasiya fəaliyyəti çərçivəsində Azərbaycanda elmin cari vəziyyəti haqqında hesabatların hazırlanması, elmi-texniki informasiyanın komplektləşdirilməsi və sistemləşdirilməsi, İT üzrə elmi-praktiki tədbirlər haqqında informasiya axtarışı və yayılması, əməkdaşların elmi əsərlərinin Vikipediya-da yerləşdirilməsi ilə əlaqədar işlər həyata keçirilir.

M.Səidova Elektron Kitabxana Mərkəzində Exlibris şirkətinin Alephino Kitabxana İdarəetmə Sisteminin təkmilləşdirilməsi ilə bağlı görüləcək işlər haqqında məlumat verib.

Resursların təsnifatının ABŞ Konqres Kitabxanasının təsnifat sistemi ilə həyata keçirildiyini diqqətə çatdırdı. Bildirdi ki, institut əməkdaşlarının elektron elmi bazalardan istifadə səviyyəsinin yüksəldilməsi məqsədilə tədbirlərin həyata keçirilməsi, IEEE rəqəmsal bazası və onun “MyComputer” xidmətinə üzvlüklə əlaqədar işlərin aparılması nəzərdə tutulur.

Məruzəçi institut əməkdaşları üçün ACM, IEEE kimi rəqəmsal kitabxanalardan, Azərbaycan Kitabxana İnformasiya Konsorsiumunun üzvü olaraq EBSCO, EIFL və s. kimi informasiya bazalarından istifadə imkanlarının yaradılması ilə beynəlxalq əməkdaşlıq əlaqələrinin inkişaf etdiriləcəyini söyləyib.

Şöbə müdiri “E-kitabxanaların formalaşması problemləri” respublika elmi-praktiki konfransının təşkili işləri haqqında da məlumat verdi. Həmçinin şöbə əməkdaşlarının elmi-texniki konfranslarda iştirakı, AR Ali Attestasiya Komissiyası tərəfindən tövsiyə olunmuş beynəlxalq və respublika səviyyəli jurnallarda elmi məqalələrin nəşri, elmi-praktiki nəticələrin КİV-də təbliği ilə bağlı görüləcək işlərdən danışdı.

Sonra AMEA-nın akademik-katibi, AMEA İnformasiya Texnologiyaları İnstitutunun direktoru, akademik Rasim Əliquliyev çıxış edərək şöbənin plan layihəsi ilə bağlı təklif və tövsiyələrini səsləndirdi. Alim bibliometriyanın və gələcək nəsil e-kitabxanaların elmi-nəzəri əsaslarının dərindən araşdırılması, bu sahələrdə mövcud beynəlxalq təcrübənin öyrənilməsinin vacibliyini qeyd etdi. Viki-Mərkəzdə elmi əsərlərin Vikipediya-ya daxil edilməsi və viki-layihələr üzrə zəruri biliklərin şöbənin əməkdaşları tərəfindən tədrisi ilə bağlı treninqlərin keçirilməsinin bu sahələr üzrə peşəkar kadrların hazırlanmasında mühüm rol oynayacağını vurğulayıb. 

Günel


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.