TƏDBİRLƏR

Bu gün Xeberler.az İKT portalının 8 yaşı tamam olur.

Xeberler.az ölkədə İKT sahəsində  milli kontent formalaşdırmaq, oxucuları  Azərbaycanda və dünyada İKT sahəsində baş verən yeniliklərlə tanış etmək məqsədilə yaradılıb.

İKT xəbər portalı  2006-cı ildə çap  formada fəaliyyətə başlayan “Online” Jurnalının elektron versiyası olaraq  22 iyun 2008-ci ildən fəaliyyətdədir.

Xeberler.az 2014-cü ilin oktyabrından yeni komanda formalaşdırıb, portalda struktur və dizayn dəyişikliyi edilib.

Hazırda portalda multimedia formatda materialların hazırlanmasına üstünlük verilir.
Portalın  mobil versiyaları da istifadəyə verilib.

Xeberler.az  qısa bir müddətdə  ölkənin İKT ictimaiyyətinin əsas informasiya mənbəyinə çevrilib.
Ölkədə çoxsaylı xəbər saytalarının hər gün təqdim etdiyi xəbərlər içərisində  “əriyib” yoxa çıxan bəzi İKT xəbərləri  üçün əsas mənbə  məhz Xeberler.az portalıdır.

Xeberler.az resursunda yalnız gündəlik İKT xəbərlərini yox, həmçinin icmal yönümlü yazıları, müxtəlif maraqlı müsahibələri, İKT tədbirləri və konfransları haqqında məlumatları, keçirilən tədbirlərin  fotoreportajlarını əldə etmək olar.
Xeberler.az ölkənin İKT bazarının spesifik sahələrinin işıqlandırılmasında mühüm yer tutur.  Portal müxtəlif İT qurumlarla əməkdaşlıq edir, müxtlif İT tədbirlərdə informasiya dəstəyi göstərir.

Bununla yanaşı, xarici ölkələrdə təhsil alıb, İKT üzrə işləyə həmyerlilərimizi də axtarıb tapır və onların fəaliyyətini cəmiyyətə təqdim edir.

Xeberler.az ölkədə startap ekosisteminin inkişafı və formalaşmasına da informasiya dəstəyi verir, cəmiyyətə bu trend barədə mütəmadi məlumatlar təqdim edir.

Həmşinin, qlobal dünyada baş verən İKT xəbərlərini də operativ işıqlandırır.

Qeyd edək ki,  görülən işlərin  nəticəsi olaraq qısa zamanda  portal öz ətrafına geniş oxucu auditoriyası toplaya bilib.

Ölkədə İKT üzrə çoxsaylı rubrikalar və layihələr, analitik yazılar, araşdırmalar və müsahibələr, İKT üzrə maraqlı reportajlar, milli startapların inkişafı, İKT-nin müxtəlif sahələri ilə bağlı  sorğular, Elektron Hökumət quruculuğu, İKT sahəsində qanunvericilik  və s. bütün bunlar Xeberler.az portalının əsas fəaliyyət istiqamətləridir.

Xeberler.az fəaliyyətində kəmiyyət yox, keyfiyyəti əsas amil olaraq seçib.

Bütün komandamızı  Xeberler.az-ın ad günü münasibətiylə təbrik edirik, bundan sonra da uğurlu və operativ fəaliyyət arzu edirik.

Xeberler.az