TEXNOLOGİYA

AMEA İnformasiya Texnologiyaları İnstitutunda “Yaşıl İKT: mövcud vəziyyəti, imkanları və problemlər” haqqında məruzə dinlənilib.

Bildirilib ki, yaşıl informasiya texnologiyaları (İT) – Green IT (Green computing) informasiya-kommunikasiya texnologiyalarının (İKT) istifadəsində əmələ gələn mənfi fəsadların və ətraf mühitə vurulan zərərli təsirlərin azaldılmasına yönəldilən təşəbbüsdür.

Bu təşəbbüs elmin son nailiyyətləri, inzibati resurs (qanunlar, standartlar, sertifikatlar) və ekoloji mədəniyyət və ya təfəkkürün formalaşmasına əsaslanır. O, Green Computing-in ilk dəfə 1992-ci ildə ABŞ ətraf mühitin mühafizəsi idarəsi tərəfindən təklif olunduğunu vurğulanıb.

Xeberler.az bildirir ki, yaşıl verilənlərin emal mərkəzlərinin (VEM) inkişafı haqqında məlumat verilib. Qeyd edilib ki, 2016-cı ildə ən yüksək göstərici Şimali Amerikada müşahidə olunub.

Sonra VEM-də enerji sərfiyyatının paylanmasından danışılıb. Qeyd edilib ki, enerji sərfiyyatının azaldılması məqsədilə Microsoft şirkəti öz VEM-ni su hövzələrində yerləşdirir. Ekoloji riskləri törədən soyuducu sistemlərdən imtina olunur: Yeni maqnit təsirli soyuducu sistemlər sənaye üsulu ilə istehsal olunmağa başlanılır.

Həmçinin, Bloom Energy server haqqında məlumat verilib. Bildirilib ki, bu layihənin əsas vəzifəsi enerjini VEM-in içində yaratmaqdır. Adi VEM-lər şəhərin enerji infrastrukturundan istifadə edir. 21-ci əsr VEM-in birbaşa vəzifəsi müstəqil enerjidən istifadə etməsi və maliyyə xərclərinin yetərincə azaldılmasıdır.

Məlumata görə, havanın çirklənməsi ekoloji risk kimi ən böyük təhlükə olaraq qalır. Dünya səhiyyə təşkilatının məlumatına əsasən  hər il havanın çirklənməsi nəticəsində 7 milyon insan həlak olur. Yaşıl İKT və bu sahədə istifadə oluna biləcək texnologiyalar milyonlarla insanı xilas edə bilər.

Günel