Yazıb oxuya bilməyənlər üçün qlobal şəbəkə
15-09-2008
15:51
IDG News-un məlumatına görə, İBM (India Research Laboratory) yazıb oxuya bilməyən, eləcə də İnternetə çıxışı olamayan istifadəçilər üçün Spoken Web layihəsi çərçivəsində səsli şəbəkə yaratmaq fikrindədir.
Spoken Web-in əsasında telefon şəbəkəsində veb analoqunu yaradan VoiceXML və HSTP texnologiayları durur. Spoken Web-la işləyərkən istifadəçi hər birinin xüsusi ünvanı olan səsli saytlara daxil olur.
Adi saytlar kimi həmin saytların da digər resurslara göndərişləri və müxtəlif informasiyaları var. Bu şəbəkədə ya səsli komandaların, ya da telefon düymələrinin köməyi ilə işləmək olar. Səsli veb-ə daxil olmaq üçün istifadəçilər xüsusi nömrəyə zəng etməlidirlər.
Hazırda İBM Hindistanın əlaqə operatorları ilə Spoken Web-in ilk layihələrini işə salmaqdadır. Təqdimetmə planları haqda isə istehsalçılar heç bir məlumat vermir.
Həyata keçirilən Spoken Web layihəsi, həm də Hindistan başda olmaqla inkişaf etməkdə olan ölkələrdə mobil telefonların geniş yayılmasından fayda götürmək üçün nəzərdə tutulub.
