Yeni nəsil rabitə kabeli istismara verilib

27-09-2017 / 15:30

Yüzlərlə sualtı rabitə kabeli Antarktidadan başqa planetin bütün qitələrini bir-biri ilə birləşdirir. Məhz bu kabellər serverlərdən böyük həcmli məlumatların dünyanın müxtəlif yerlərində yaşayan istifadəçilərin evlərinə fasiləsiz ötürülməsini təmin edir.

İndiyədək Şimali Amerika ilə Avropanı birləşdirən Appolo ən güclü sualtı kabel sistemi hesab edilirdi. Ancaq indi Microsoft və Facebook şirkətləri tamamilə yeni nəsil sualtı rabitə kabelini istismara veriblər.

Xeberler.az NRYTN-in elektron xəbər xidmətinə istinadən bildirir ki, Marine adlı yeni kabel nəsli ilk dəfə ötən il ictimaiyyətə təqdim edilib.

İstehsalçılar iddia edirlər, bu rabitə kabeli eyni zamanda HD keyfiyyətində olan 71 milyon  videoçarxı yayımlamaq qabiliyyətinə malikdir.

Layihəyə əsasən, bu kabel ABŞ-ın Virciniya Biç şəhəri ilə İspaniyanın Bilbao şəhərini birləşdirəcək. Hazırda bütün montaj işləri başa çatıb və rabitə kabeli istismara verilib. Kabelin uzunluğu 6600 km, ümumi çəkisi isə 4,6 milyon kq-dan çoxdur.

Appolo kabelinin buraxılış qabiliyyəti saniyədə 3,2 terabit təşkil edir. Marine kabelində bu göstərici saniyədə 160 terabitə bərabərdir.

Bu, orta statistik ev internet qoşulmasından 16 milyon dəfə daha sürətlidir. Proqnozlara görə, 2025-ci ilə internet trafikin həcmi 8 dəfə artacaq.

Microsoft şirkəti Marine kabelinin köməyi ilə Office 365, Skype və Xbox Live xidmətlərinin keyfiyyətini yaxşılaşdırmağa çalışır, halbuki Facebook müvafiq məzmunun striminqi yolu ilə virtual reallıq texnologiyalarının inkişafında maraqlıdır.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.