TV VƏ RADİO

Xeberler.az bildirir ki, Telekommunikasiya xidmətlərinin təminatçısı “ENGİNET” şirkəti fəaliyyət göstərdiyi sahədə daim innovativ və texnoloji yenilikləri tətbiq etməklə seçilir. İnsanların mobil texnologiya və online aplikasiyalara üstünlük verdiyi bir dövrdə, ölkəmizin internet xidmət təminatçılarının arasında ilk dəfə olaraq “ENGİNET” şirkəti özünə məxsus olan “BİRlink” brendinin mobil tətbiqini abunəçilərin istifadəsinə verdi. Xidmətlərin istifadəsində abunəçilərin rahatlığını təmin edəcək bu tətbiq Şəxsi Kabinetdən çevikliyi ilə fərqlənərək abunəçilərə XX1 əsrin tələblərinə uyğun olaraq mobil telefon üzərindən bütün lazımi əməliyyatların tətbiq imkanlarını verir.

Artıq abunəçi istədiyi vaxt və yerdə “BİRLink” mobil aplikasiyasından bir kliklə istifadəçi məlumatlarını əldə edə bilər. Belə ki, mobil tətbiq abunəçinin şəxsi kabinetin və www.birlink.az saytından icra edə biləcək bütün funksionalı özündə ehtiva edib. Burada bir toxunuşla abunəçi istifadə etdiyi tarifi, balansı və son ödənişləri haqqında məlumatları görə bilər. Yeni qoşulmaq istəyən abunəçiləri də nəzərə alaraq, mobil əlavədə qonaq girişi də mövcuddur. Artıq sayta daxil olmadan, qonaq girişini seçərək, “BİRLink” şəbəkəsinin mövcud olduğu ərazilər üzrə axtarış vermək mümkündür.www.birlink.az

Əlavə olaraq, “BİRlink” mobil əlavəsi evi tərk etmədən bank kartı vasitəsilə onlayn ödəniş etmək, hətta kredit almaq üçün müraciət etmək kimi xidmətləri özündə birləşdirib.

Həmçinin, abunəçini maraqlandıran yeni kampaniyalar və mövcud əlavə xidmətlər və tariflər haqqında məlumatları əlçatanlığını da diqqətdən kənarda qalmadı. Bu tətbiqin daha bir çevikliyi ondan ibarətdir ki, “BİRLink”-in digər tarif planları barədə məlumat əldə etmək və seçilən tarifə qoşulmaq üçün sorğu göndərmək olar. Daha sonra mövcud tarifə rəqəmsal yayım, filtrasiya xidməti, şəhər telefon nömrəsi, Statik İP və Frozen (Dondur) kimi xidmətləri əlavə etmək imkanları da mövcuddur.

İnnovativ, keyfiyyətli və müştəri yönümlü yanaşma ilə inkişaf edən ENGİNET şirkəti hər bir abunəçiyə fərdi yanaşaraq, hər bir müraciəti və istəyi nəzərə almağa can atır. Məhz bu səbəbdən, “BİRLink” mobil aplikasiyasında ayrıca əlaqə və müraciət göndərmək xanaları öz əksini tapmışdır. Bu o deməkdir ki, artıq Çağrı Mərkəzi ilə əlaqə saxlamadan və ya www.birlink.az saytına daxil olmadan abunəçinin olduğu yerdən bir kliklə zəng sifarişi etmək, bununla da operatorların geri dönüşünü təmin etmək mümkündür.

Qeyd edək ki, “BİRlink” mobil aplikasıyasını Android və iOS sistemləri ilə çalışan cihazlar üçün “Google Play” və “Appstore” portallarından yükləmək olar.