SOSİAL MEDIA

Amerika texnologiya şirkəti “Yahoo”, ABŞ məhkəməsi antiinhisar işi çərçivəsində “Google”u brauzerdən imtina etməyə məcbur edərsə, “Chrome”u almağa hazır olacaq.

Xeberler.az məlumat verir ki, bu barədə “Bloomberg” məlumat yayıb.

“Chrome”, bəlkə də, internetdə ən vacib strateji oyunçudur”, – agentlik “Yahoo Search” axtarış sisteminin baş meneceri Brayan Provostun sözlərindən sitat gətirib. O, “Chrome” brauzerini on milyardlarla dollar dəyərində qiymətləndirib. Provost qeyd edib ki, “Yahoo” öz brauzerini hazırlasa da, hazır məhsulun alınmasını da nəzərdən keçirir.

Daha əvvəl “OpenAI” şirkəti də “Google”dan brauzeri almaqda maraqlı olduğunu elan edib. Əgər sövdələşmə baş tutarsa, “OpenAI” “ChatGPT” çat-botunu “Chrome”a daha dərindən inteqrasiya etmək niyyətindədir.

ABŞ Ədliyyə Nazirliyi texnologiya nəhəngi “Google”a “Chrome” brauzerinin sahibliyindən imtina etmək və digər şirkətlərlə texnologiya nəhənginin axtarış sisteminin onların məhsullarında istifadəsi ilə bağlı müqavilələr bağlamağı qadağan etmək tələbi ilə məhkəməyə müraciət edib. ABŞ hökuməti “Google”u hakimiyyətin fikrincə, potensial rəqiblərin “internetdə axtarışın əhəmiyyətli hissəsini idarə etməsinə” mane olan monopolist statusundan məhrum etməyə çalışır.